【百佳賓館Staycation】去五星級酒店Staycation就聽得多，如果話去賓館「Staycation」，大家又點睇呢？有小朋友表示好困擾，話自己想入住一晚街知巷聞的「百佳酒店」，遺憾明明作為一間賓館，卻並不容許未成年人士入住，大批網民留言妙問妙答，笑稱「搞出過好多人命」，更給出好多奇怪理由，實在笑爆嘴！

撰文：CY｜圖片來源：Facebook群組「香港 Staycation 酒店交流谷」、Google Map@AL、Map@Eric Ng、TVB

小朋友問點解唔可以去百佳賓館Staycation 網民妙問妙答：搞出過好多人命

近日有位網民自稱是位小朋友，在Facebook群組「香港 Staycation 酒店交流谷」提問，話百佳酒店明明作為一間「持牌賓館」，「但係點解唔俾未成年人士陪同入住呢？」，並強調「本人真係小朋友」，似乎好想各位成年網民可以教教路！

這位小朋友更附上香港牌照事務處網頁截圖，證實「百佳酒店」為香港持牌賓館。（圖片來源：Facebook群組「香港 Staycation 酒店交流谷」）
這位小朋友更附上香港牌照事務處網頁截圖，證實「百佳酒店」為香港持牌賓館。（圖片來源：Facebook群組「香港 Staycation 酒店交流谷」）

網民見到此貼文，都表示相當震驚，紛紛表示「這是一個好問題」，又話「你知道得太多了」，究竟乜解究呢？有網民話「搞出過好多人命」，驟眼看到留言嚇一跳，有其他網民即刻解畫：「嗰度係製造小朋友嘅地方，唔係畀小朋友住嘅地方」，看完即刻茅塞頓開！

百佳酒店是香港著名的廉價賓館，不少情侶都會入住享敦倫之樂。（圖片來源：Google Map@AL）
百佳酒店是香港著名的廉價賓館，不少情侶都會入住享敦倫之樂。（圖片來源：Google Map@AL）

作為一間不少情侶入住的賓館，又網民話百佳酒店「走廊d聲兒童不宜」，似乎暗指賓館隔音差之餘，房內經常傳出奇怪聲響。甚至有網民笑稱「房內立體聲廣播」，似乎房內傳出的聲音非一般聲量，估計可以用「震耳欲聾」形容。

大班經驗老到的網民留言解畫，分享入住見聞，有網民則懶得解答，笑稱「少年，你太年輕了」。（圖片來源：TVB）
大班經驗老到的網民留言解畫，分享入住見聞，有網民則懶得解答，笑稱「少年，你太年輕了」。（圖片來源：TVB）

不過亦有網民質疑該小朋友身分，話「我又以為自己睇緊OnX Group」、「認真？玩嘢？」，又有網民指自己「細個去過住，如果同性、或者一家大細可能畀」，更有網民稱「我喺灣仔見過外國人一家大細，肯定有個未成年人」，似乎認為「小朋友」扮詢問，實質想譁眾取寵博眼球。

有網民問小朋友是否知道百佳賓館經營性質，小朋友又回答得頭頭是道，似乎好清楚。（圖片來源：Google Map@Eric Ng）
有網民問小朋友是否知道百佳賓館經營性質，小朋友又回答得頭頭是道，似乎好清楚。（圖片來源：Google Map@Eric Ng）

亦有港人細心回應，表示「睇清楚少少，係持牌賓館，唔係酒店」，又指賓館服務質素及衛生情況都不如酒店，真心想享受一次Staycation，還是應該「畀多少少住豪啲」。

資料來源：Facebook群組「香港 Staycation 酒店交流谷」