撰文：Rainnie｜編輯：RF｜圖片來源：LIHKG討論區截圖、TVB《愛回家之開心速遞》劇照、YouTube@TVB USA Official
獨居巴打反鎖廁所 逃脫後發警世文
日前一位獨居巴打在連登以「警世：獨居一定唔好閂門同電話跟身」為題開post，與一眾網民分享自己「密室逃脫」的經歷及心得。這位巴打指自己在「開大」的時候被突然故障的門鎖反鎖在廁所內，手無寸鐵之下未能自己逃出廁所。幸好樓主有帶電話陪「開大」的習慣，即時安排開鎖佬上門爆開屋企大門及踢開廁所的壞門鎖，樓主才得以逃離廁所。樓主「重見天日」後即時上連登發文警世，嚴正呼籲所有獨居人士去廁所「唔好閂門」，以及電話一定要跟身。
動魄驚心經歷惹網民質疑：獨居為何鎖門？
樓主動魄驚心的逃離廁所經歷惹網民熱議，不過就有網民質疑樓主既然一個人住為何仍要鎖門，更因此而懷疑樓主的「廁所驚魂」是「假膠」純粹作故仔。樓主隨後就解釋指自己其實未有鎖門，只是因為廁所的門鎖突然故障，在樓主順手關門之際「自己率埋」方釀成今次的意外。飛來橫禍，可見意外確實是意料之外，無可避免。
大批網民慶幸樓主電話有跟身 搞鬼建議：應該裝平安鐘
雖然樓主的經歷惹網民質疑，不過亦有大批網民慶幸樓主電話有跟身，可以用電話向外界求助，又直言樓主的經歷只是「睇字都覺得好恐怖」，更有網民搞笑建議獨居人士都應該「裝平安鐘」，防患於未然。
