撰文：CY｜圖片來源：Häagen-Dazs、Facebook群組「香港雪糕關注組」、Facebook群組「我老婆嫁左比Mirror導致婚姻破裂關注組」、Carousell
Häagen-Dazs新推姜濤特別版雪糕月餅
Häagen-Dazs今日起推出姜濤特別版雪糕月餅，引來好多人搶購，原來吸引嘅唔單止魅力沒法擋嘅姜濤，更加因為有22/7至25/7期間，為期4日嘅限時優惠！只要以$548購買姜濤特別版雪糕月餅禮盒「星願雪糕月餅」或「月滿雪糕月餅」，就可以HK$225加購「星 ⋆ 復古 」或「星 ⋆ 明月」禮盒（二選一），或者以HK$299加購「星 ⋆ 華麗」禮盒。
快閃優惠仲未完，在優惠期間，大家亦可以6折（$468）購買「星 ⋆ 復古 」或「星 ⋆ 明月」禮盒，及「和 ⋆ 望月」或「茶 ⋆ 亮月」禮盒或「醇 ⋆ 伴月」。要留意返，優惠只限於Häagen-Dazs門市購買，有興趣就係時候落街排隊喇！
姜濤月餅今日開售！門市未營運已初現人龍
Häagen-Dazs與姜濤首度聯乘推出特別版月餅禮盒，吸引一眾「姜糖」瘋搶「姜濤月餅」。「姜濤月餅」一共兩款選擇，定價$548起，今日（22日）正午正式開售。一如港人預料，門市於清晨時分仍未開始營業時，已經初現人龍「打蛇餅」。
炒售「姜濤月餅」索價$2,000 較原價貴近4倍
「姜濤月餅」定價$548起，貴過不少酒店月餅禮盒，不過似乎無礙銷情，甚至有港人洞悉「市場需求」，開售之前已經率先放上網炒售，索價$2,000，較原價貴近4倍。聲勢似乎好震撼，不過似乎暫時未有人睺，似乎有機會滯銷。
中秋不止「姜濤月餅」！酒店月餅禮盒最平$177
其實中秋月餅禮盒有好多選擇，如果未對「姜濤月餅」心動，或者還是屬意傳統月餅口味，今年不少酒店月餅都好值得留意，早鳥優惠低至65折，最平只需$177。其中迷你低糖蛋黃白蓮蓉月餅最適合怕肥的朋友仔，而燕窩奶皇月餅一樣夠晒矜貴，有興趣可以入內查看詳情（點擊進入網站）。
