女生放工搭巴士坐關愛座被叫「西精」 過份言論惹網民圍攻
該事主上載照片，相中可見車廂內逼滿人，相信是放工的繁忙時段，關愛座同時也已經坐滿人。不過帖主眼見關愛座的其中一席位被年輕女士霸佔了位置，而站在她身旁的是一名年紀大的女士（帖主稱其為阿婆」，因而打上了一句「西精何其多⋯⋯阿婆就無得坐」。
網民：關愛座形成咗一種道德嘅虛偽
網民看到帖文後，全場炮轟事主，更高達逾3千人留言，指「你邊忽睇到呀婆無位坐呀，你點知人哋無問過」、「阿婆會攰，個女仔就唔會攰呀？道德L又上線」、「返工仲攰X過阿婆出街行啦，仲要讓都黐X線，讓係人情唔讓係道理，所以啲人都傻傻哋」、「建議你請阿婆搭的士」、「阿婆2蚊遊山玩水，後生嘅放工都攰到死，點讓呀?」、「關愛座嘅出現其實形成咗一種道德嘅虛偽：第一，明明攰嘅人唔夠膽坐驚俾人公審，對自己身體都變得好虛假，有時甚至白癡到頂住道門，空左個位喺度，但係有人上唔到車；第二， 唔坐關愛座嘅時候嘅人就完全冇讓座意識，覺得讓坐係坐關愛座嘅人嘅責任；第三， 甚至有啲公公婆婆覺得自己一定要可以坐關愛座，奉旨要人讓座俾佢。造成呢種風氣嘅人，就係好似樓主淨係走去公審，你有種嘅就幫阿婆搵個位坐。」
事主以1敵千大反擊 網民：真係好精彩！
事主眼見被鬧，亦回應留言反擊，指「咁我post又關你乜事」、「香港真係多X頭」等，惹來過千網民再留言繼續鬧，不少人都指「留言真係最精彩」。
港人苦訴「有位唔敢坐」慘痛經歷：搭個巴士都要擔驚受怕
事件引來港人慘痛分享，指「上次睇跌打包實個膝頭哥，企都企唔穩就坐咗先，有個阿媽抱住個仔企我隔離，後面個阿伯仲拍我膊頭叫我讓位，心諗你唔讓或者叫其他人讓？一樣畀咁多錢，成個膝頭包實晒都有人夠膽死叫你讓，呢D唔係叫關愛座，正式應該叫批鬥座」、「講真，每日我放工都攰到酸軟，周身骨痛，有時見到得返關愛座都唔敢坐」、「有時開咗幾日通宵或者企咗十幾個鐘又或者M到，都唔敢坐，覺得好多對眼望住」、「我懷孕6個月嗰陣嚴重暈車浪，我坐關愛座，有個阿婆拍我，叫我起身，我話我大肚唔舒服，佢用粗口鬧我，話我折墮為個位假扮大肚… 成車望住佢… 我心諗，唔通我要貼醫學報告喺額頭咩，到時你都可以話雞腸唔識睇，做假㗎」、「搭個巴士都要擔驚受怕」、「原意係好，但漸漸比啲道德L扭曲曬，本身全部位都可以讓，但整左之後攪到得番幾個位。真心見過好荒謬全車滿座加企滿曬，但四個關愛位係無人坐，攪到巴士因滿座唔停站攪到有人有位都上唔到車，勁反智！」
另外，亦有網民堅持懶理旁人，指「有需要我就會坐，一定唔退讓」！更表示「我之前日日暈， 而家我都係食中藥調理緊，有時坐巴士都覺得暈我都唔理， 照坐，我知道有啲人望住我㗎，因為有啲後生寧願吉咗個位都唔坐呀， 我只會覺得佢哋戇鳩唔合符經濟效益，我中西醫病紙都帶咗出嚟，如果有人問我就會拎出嚟」。
