女友 5 大口是心非 emoji解碼！
嚴重程度輕微：微笑眼emoji是警號？
女友簡單一個微笑已經可以殺死人，真定假我都分不出。
嚴重程度初級：冇嘴emoji要小心
以下呢個都是不容忽視的可怕emoji。初初收到好似冇大事發生，接住……又會演變微笑三部曲無限loop！表面安全，但暗藏殺機。好多時都會出現於：
男朋友：「做咩事啊？」
女朋友：「冇啊！」
之後…..
十居其九，都是女朋友現在有點不開心，想你哄她。
嚴重程度1級：微笑emoji 真是笑笑口？
佢好似永遠都望住你笑咁，好比蒙羅麗莎的微笑，笑到你個人心裡發寒！
通常當WhatsApp收到女朋友仔這個疑似「蒙羅麗莎的微笑」的emoji，男朋友仔即刻心驚膽跳，心想：「天啊！我又做錯了！」
以下對話內容，如有雷同，實屬巧合。
女朋友：「你聽晚有乜做啊？」
男朋仔：「同同事食飯 / 同死黨去打機 / 總之係約咗人。」
女朋友：「唔緊要，你去啦！」
當你收到之後，你就會知道，你已中咗大伏。
嚴重程度2級：笑笑口emoji 好比生化武器
接住下來，當你激嬲完女朋友之後，你已中咗第一大伏。當然，通常這個時候，女朋友仔都會繼續(扮) 大方，希望一眾男朋友仔可以盡情去玩。通常，還會運用一個好慈祥 (假到喊) 的笑容。令一眾男朋友仔收到之後可以「放心去馬繼續玩」。
潛台詞：你去吖！你就同我試下去，即管去！
嚴重程度3級：微笑加bye-bye emoji 連編輯都怕怕 (最怕就係佢)
當你知已經出事，令女朋友生氣，想盡方法補鑊，盡快哄她開心時，她永遠都好像識讀心一樣知道你下一步想怎樣。同時好體貼地表達冇生氣，佢真是冇生氣。(就算是老友，編輯每次收到都出事。)
OK~當你收到這個微笑笑到你心寒再加上bye-bye 的emoji，就證明已經是十分危險，相當生氣的地步。
通常女朋友生氣有三種層次：
如果她說：有少少生氣，不算好生氣，但都要盡快哄她。
如果她說：好生氣，即係真係好生氣，好嗱嗱臨補鑊。
如果她說：冇生氣，我冇生氣喎~(證明她真是超生氣。)
只能說你今次大件事了。Game over！
男士們：媽啊！我好難捉摸啊！
