撰文：SY｜資料來源：香港討論區｜圖片來源：香港討論區、《野蠻奶奶大戰戈師奶》
有男網民在香港討論區上發帖「我阿媽摑咗我女朋友一巴！佢兩個都嬲咗我！」，引起大家的討論。原來男網友早前帶女友上自己屋企食飯，食飯時就看到兒子的女朋友不懂得正確的揸筷子方法，說了女友一句「佢咁大個都唔識揸筷子，唔得」。之後女朋友就反駁指：「食到野咪得」。
女友反駁後，二人就開始吵架，言語上十分激動，網民阿媽更「一巴星落女朋友度」，令到女友爆喊離開。當男朋友追上去時，被女友指「好過份」、「你唔幫口」，更指網民唔好再搵自己。男朋友回到家後，阿媽說：「畀你哋兩個激死」。男友開Post認為，二人為了無聊事情嘈交，最後更令他左右做人難，「想問關我乜事？」
有些網民指：「唔關你事㗎！呢啲叫飛來橫禍！女人係咁㗎啦！忍吓啦！」、「我估樓主阿媽唔順條女好耐，借勢幫樓主分手」、「一係唔認丫媽，一係唔要女朋友。咁樣仲關唔關你事」
不少網民都認為媽媽不應打人：「拍拖時盡量唔好見家長。但這事係你媽不對在先，點可以出手打人呢，就算你們之後冇事，以後都會有條刺」、「你女朋友應該報警」
更有網民指，事主阿媽沒有資格替人教女，所以不應動手打人。
最後網民提供了不少建議，包括：「感情問題一律建議分手」、「老虎蟹兩個都唔好幫，中立相信好快沒事！」
