40歲月薪40至50K 公司生意差被解僱
苦主網民在社交平台發文，指自己現年40歲，早前因為公司生意差，有數位人工大約4至5萬的員工被解僱，自己就是其中一個。面對逆境，苦主都有努力搵工，但多個月都沒有回音，就嘗試自降身價：
「40歲先嚟失業真係好難受，公司生意差，人工4至5萬果堆雞咗幾個。而我係其中一個，呢三個月搵咗好多份工都冇回音，試過自降身價搵文員工，面試期間人哋直接話請我唔起…40歲又要養妻活兒又要供樓」
失業自降身價 減半人工面試15K文員被拒
苦主稱自己自降身價，由4至5萬月薪，開價一萬五，應徵文員一職。在面試的過程中，對方直言：「請你唔起！」，擔心影響團隊。
苦主在帖文中沒有透露應徵公司的背景，只能推斷以往月薪4至5萬，現求職1萬多月薪的工作，的確會令人再三考慮是否合適。
- 「佢哋驚影響團隊氣氛所以唔敢請我 」
- 「講緊我只係要求15K人工！」
羨慕同期政府工：跳十年POINT月入3至4萬
苦主網民又對比自己同期，朋友十年前任職政府工，十年期間跳point(公務員加薪，約一年兩次，包括薪酬調整)，十年後月入3至4萬，收入穩定。更重要的是朋友的工作內容也是文職。
- 「望住以前啲同學仔打政府工⋯跳左十年POINT收緊3至4萬，但做緊文員嘢真係好羨慕！」
做政府工最大的好處莫過於在逆境中、淡市中，一定是最穩陣的鐵飯碗。私人公司可能會直接裁員，政府工可能只會凍薪。但也要接受政府工人工不及私人公司加幅大。
以苦主網民的情況為例，他的朋友用十年時間獲得3至4萬月薪，即入職時月薪大約有2萬，參考政府總薪酬表，Point 8 $21,875， 10年後人工達Point 18 $37,685，平均一年加薪$1,581。
網民：實Q都要做住先！
其他網民在帖文留言獻計，紛紛鼓勵苦主要捱落去！有網民就分析苦主應徵文員失敗的原因，亦有不少網民圍爐訴苦，同是失業大軍，齊齊努力搵工。
- 「做文員，佢哋寧願請後生或者唔係做開高職果d啦」
- 「係咪以前你份工太hea，所以而家知識技能完全脫節？」
- 「用住積蓄頂住先，係就係好灰，但無計」
- 「師兄，同你一樣，三個月啫，唔駛咁快灰喎。我失業近一年都係咁搵工。」
- 「唔好介意，衰D咁講，步兵，實Q（看更）都要做住先，可能你會插我，但我總覺得好過日日坐係度」
- 「捱過難關咪又係一條好漢」
- 「有d人直接移民搏一搏，反正留係香港/去到外國都會做下欄工」
- 「如果人脈廣，可考慮做保險」
- 「或者報ERB課程（僱員再培訓局），睇吓有冇其他行業有出路」
其實不論是年輕或是中年失業，要轉行，去見工，都是一個新挑戰，特別是在疫情之下，經濟不景氣的情況。但近年的移民潮也提供了不少職位空缺，唯有做好準備再在職場上開拓一番！
