大J老婆居港10年不諳廣東話遭嘲：無心學廣東話！
昨日（10月5日）YouTuber大J上載了最近影片，影片是由他日籍老婆Mai san出鏡，在教授觀眾如何煮明太子意大利粉的同時，亦分享在香港居住了10年的心路歷程。但就在該影片下的留言，卻有觀眾酸言酸語地指出，Mai san在香港居住了10年卻沒有學會廣東話，「居住香港十年廣東話都唔識講」、「十年香港！都無心學廣東話！」，嘲諷之意極濃。
大J反擊：唔好保持住啲廢老思想
護妻心切的大J在看到這些留言後便即時截圖，並在Facebook page發文：
每次一講呢啲，就會有類似咁樣嘅留言出現「住咁多年香港都唔識講廣東話」
其實，佢唔識講廣東話係有好多原因1. 佢同我溝通唔使廣東話
2. 佢同朋友溝通唔使講廣東話
3. 佢同我屋企人溝通唔使講廣東話
4. 佢去街市買餸都唔使廣東話
5. 邊個話你知喺香港生活就要識講廣東話？
6. 每個人都有語言天份呢樣嘢，佢就係冇乜
7. 佢識講英文就夠啦唔好保持住啲廢老思想，多謝合作。
網民力撐Mai san：佢鍾意香港文化嘅程度可能仲勁過香港人
大J帖文一出，便引起大批網民熱烈討論。大量網民都指出香港的官方語言除了廣東話以外，還有英文與普通話，Mai san在港居住時一向都是使用英語為主，在家與丈夫大J對話時則是使用日語，加上個人能力所限，並沒有學習廣東話的必要。同時也有網民指出，Mai san熱愛香港文化，在港生活期間經常身體力行支持小店，又鍾情香港文化，「連返到日本間屋都放好多香港嘅物品，如果咁易學好廣東話你估佢唔想咩？」、「Mai鍾意香港文化嘅程度好可能勁過土生土長嘅我！」
力批香港政府無資源協助外國人融入香港
同時也有網民指出香港政府並沒有提供資源讓居港外國人融入：
老實講香港政府有做過啲咩去幫啲expat融入？有無聽過政府搞嘅廣東話or中文認字班？我有外國朋友初頭嚟香港好有熱情想學，無奈極少資源同support俾到呢啲有興趣嘅人，最後都係學到半桶水講返英文算。
其實都好難學，德文有歌德、法文有法國文化協會、日文去日經，廣東話有啲咩官方機構推廣 ？有無得考咩語言能力鑒定試N1、C1嗰類？有無專門比外國人讀嘅language school ？
唔係想幫佢地搵藉口，但有學過非英語外語都知呢類支援幾重要。
網民以新移民對比遭反駁：迫你講普通話先係問題
不過亦有持反對意見的網民表示，新移民到港時沒有使用廣東話溝通就被香港人無禮對待，反觀Mai san因為是日本人才被大家認同，有「崇日」及差別對待之嫌。但就被網民一句反駁：「大陸人唔識講廣東話唔係問題，佢哋迫你講普通話遷就佢哋先係問題！」至於有網民指出「試下香港人去日本住唔L學日文」，則有人認為日本的主要語言只有日文，情況不同，實屬類比錯誤。
大J原片
