食客斥大快活「芝士焗班蘭雞肉飯」賣相恐怖網民：顏色似梵高啲畫！

大快活為港人最愛連鎖快餐店之一，不時都會推出新款菜式，最近有名港人叫了新出的芝士焗班蘭雞肉飯，但就大呻中伏「中咗輻射咁樣」，從相片可見的確賣相欠佳！

大快活芝士焗班蘭雞肉飯賣相恐怖：似中輻射

有港男早前於大家樂叫了新出的芝士焗班蘭雞肉飯外賣，但打開盒時就發現中伏，從圖片可見焗飯外賣相當驚人，芝士沾染了班蘭，因此變得綠色一片，單看相的確是略欠開胃，令到港男都忍不住大鬧：「係大快活買X咗個芝士焗班蘭雞肉飯，中咗輻射咁X樣」。

大快活芝士焗班蘭雞肉飯單看賣相很驚人。 — 單看賣相很驚人。（圖片來源：Facebook群組@香港茶餐廳及美食關注組）

網民反撐冇問題：其實100%對版！

有網民都認同焗飯賣相差，「嘩梵高式焗飯」、「聽個名都知係地獄菜式」、「未食都覺暈」、「好似芝士再發霉」、「好似係恆河啲水」。但大部分網民就反斥是事主自己的問題：「班蘭綠色唔係好正常既咩，係樣衰啲啫」、「焗有芝士有班蘭有雞肉有飯有？又做投訴….L」、「芝士有芝士，班蘭色水有班蘭色水，雞肉有雞肉，焗有焗，100% 對板」、「班蘭係綠色，芝士黃色，又有雞肉，個樣又焗過！西客？」。