住戶心虛謊報地址 被踢爆遭拒接單
最近，有外賣員於「香港外賣及速遞平台綜合交流群」中出帖呻接單後遭客人臨時轉地址，由麗港城轉到藍田新樓盤KOKO HILLS，本身麗港城已是偏遠，不受外賣員歡迎，KOKO HILLS看地圖似乎相距不遠，事實是還要走一段路再上山坡，故更加沒有人願意接單，最後網友拒絕妥協，放了外賣於原標明地址大堂便離去，要求客人自取。
網友質疑該客人平日被拒接單，出奇招藉口呃人送上偏遠山上，事件引起網民熱議，紛紛狠批住客。
「住幾千萬幾樓都要扮住幾百萬樓 使唔使咁肉酸」
「笑死，買間成千萬樓，連食個外賣都咁難，真心唔知買黎做咩」
「幾無恥先講得出填錯」
「呢啲客應該blacklist」
「自己落黎麗港城大堂拎啦」
「咁蠱惑嘅 個閪客擺明故意，仲要扮傻」
其他不受外賣員歡迎屋苑
除此之外，網友們更分享香港其他「外賣結界」，當中有幾個屋苑被重點點名，同樣都是很難叫外賣⋯⋯
- 沙田 第一城
沙田第一城鎖車隊的「極速鎖車」早已威震全城，很多外賣員驚鎖車選擇不送，雖然可以去問住宅座頭領取臨時泊車紙，但遠不及鎖車速度之快，令不少司機無法安心送貨。
- 觀塘 凱匯
凱匯地理相當優越，明明好近地鐵站，但出入口全部斜坡，商場設計又似迷宮，加上網民稱管理嚴密，只是登記上樓都浪費10分鐘！
- 秀茂坪 安達臣
安達臣道一眾屋苑位於秀茂坪之嶺，原因就是太高太遠，車手分分鐘蝕埋油錢。
- 馬鞍山 錦駿苑區域
屋苑位於香港新界沙田馬鞍山路大水坑單車公園舊址，同樣是新開發的偏遠區域。