慢工出懶貨 外傭工作效率低下
該名港媽在群組中透露，她僱用了一名外傭姐姐超過一年時間，但該傭工的工作效率極低，令人難以忍受，更無奈地描述，這名傭工的動作慢得就像樹獺，記性更是短暫如金魚。
列11宗罪 上載照片勁驚嚇
港媽將外傭姐姐的表現列成11宗罪，直言不想她再「禍害其他家庭」所以出post，更會於2月29日將她解僱：
- 頭一個月以為佢未適應香港嘅節奏（做野好慢成隻樹獺咁）到第三個月仍然都係咁，例如摺衫要兩個鐘、洗碗一個鐘
- 帶我個囡返學永遠自己行最前而且機不離手（最鐘意開FB live唱歌跳舞）
- 對小朋友同動物零愛心
- 我個囡星期六唔使返學，到咗lunch time亦無諗住煮午餐比我個囡食（當無事發生）
- 第一日入屋已經講明星期一到星期六要清潔屋企邊個邊啲位置，完全當冇件事
- 佢個人衛生問題：喺房食完蘋果芯可以放喺自己櫃桶（我已經提醒唔好喺房間食嘢，次次答我I don’t know 同自己無咁做）
- 叫佢抹塵次次只會抹眼見嘅，其他地方當冇事（每次要企喺佢旁邊睇住佢做，要不停咁教）
- 佢既記憶好似金魚一樣
- 每日都要化一個鐘妝再用一個鐘頭同男朋友zoom（永遠係工作時做）
- 長期黑口黑面（日日年初四嘅樣）
- 態度十分惡劣（自我中心，唔會聽人地教，佢心態似嚟香港搵老公）
網民不解：點解可以咁污糟
這篇帖文迅速在網上引起熱議，許多網民對於家中的混亂狀況表示不解，紛紛留言表示「點解妳咁都忍到？」更直言「唔請工人可能仲乾淨」。但亦有網民不解：「點解咁都唔一早話佢，可以咁污糟」、「櫃底你唔搬開叫佢清潔，你諗住佢會自己搬？拉親或者冧左工傷你就大鑊」、「咁到忍到一年⋯⋯」
無論如何，港媽這經歷成為了警世故事，提醒其他家庭在聘請外傭時要更加謹慎。
