人夫曬升職加薪受重用
有男網民在Facebook專頁「公務員secrets」投稿，與中學舊同學飯聚，其中一名女同學攜眷出席，由於據稱人夫對飲食有所研究，所以揀餐廳和訂位都由人夫一手包辦，最初大家談天說地、氣氛良好。未幾，人夫就開始吹噓自己獲老闆重用，剛剛升職成為經理，老闆更指未來通關後，著他幫忙開拓海外業務等。
看輕樓主任職圖書館管理員
後來，經理級人夫問樓主從事甚麼職業，事主便回答，在自己家樓下的公共圖書館上班，幫人借書還書，「佢老公聽完我做圖書館之後，就上晒電，係咁講你做圖書館？圖書館唔係都係得啲師奶、阿伯、學生哥做㗎咩？份人工夠唔夠使㗎？你老婆咪要出嚟做嘢幫補家計？」
一句K.O.雙重尷尬
人夫繼續炫耀自己，指自己從助理經理升上經理，雖然做了10多年，老闆仍為他加薪$4,000，現時月薪有3萬，還鼓勵樓主俾心機，儲錢買樓。怎料，事主一句便完勝人夫：「我做圖書館有$31,750。」樓主自22歲就開始任職政府助理文書主任，至今已12年。大家默然10多秒，就在這個尷尬的時間，另一名舊同學可能想打破僵局，問事主道：「你層綠表居屋賣咗未呀？呢排好好價喎！你就好啦，公司有福利8、9年就有綠表買樓。」沉默再一次出現，人夫突然說有要事先走，兩夫婦急急腳離去，留下樓主與另一名女同學食4人餐和飲紅酒，最後結帳$3,000，由事主埋單。
網民稱大快人心
帖文引來大批網民熱議，不少網民笑言事主「暗中秒咗呢位老公，大快人心」，又指人夫在不認識的人面前吹噓，「戥佢老婆尷尬」，有人更指該名人夫「咁大口氣」，應該要求他們夾錢埋單。另有網民對於樓主的工作地點正正就在自己家附近大感羨慕，「屋企樓下返工先筍，慳時間，仲可以返屋企食飯，又慳錢」。
