港女飛機換SIM卡不慎跌卡 國泰全team人幫手拆櫈尋找
近日，就有港女在Threads上發文表示要表揚國泰「CX466」全體員工，當中寫道自己在打算在降落前換上台灣SIM卡，不料打開卡槽時，香港SIM卡意外彈出，落入兩座椅間的狹窄縫隙。她與同行友人多次搜尋無果，直到其他乘客下機後仍未能找到。機組人員見狀馬上上前了解情況，知道事主遺失的是香港SIM卡後立即提供協助，文中寫到：「（佢哋）聽到係香港嗰張（sim卡）之後，即刻有兩位crew幫手搵，然之後成Team人都過晒嚟，最後佢哋仲搵咗工程師上嚟拆咗張櫈」經過一番努力，終於找回SIM卡，女乘客事後對國泰機組人員的幫忙深表感激：「唔係佢哋咁helpful都搵唔返張sim卡」
國泰全team人拆櫈幫港女搵SIM卡 網民鬧爆：阻人收工
事件在網上曝光後引起網民熱烈討論，有網友認為應該要向國泰航空發電郵表揚機組人員：「佢哋係會加分的，亦都多謝你」、「麻煩send email去表揚」，不過亦有網民鬧爆港女，認為她的行為連累不少人：「一嚟個空間細又多窿窿罅罅，次次都見到啲X頭係度換換換跌咗張卡，係咪takeoff 前要收到data一 land就要上到網咁X緊要呀，大把機有雙sim啦 插定又唔得嘅， 自己攞嚟」、「唔明點解要咁心急，落機慢慢換都得，唔上網一陣好似會死咁」、「你補張卡最多咪$100, 仲有咩年代，仲換sim 卡？」，「會阻住啲crew收工，飛機又遲cleaning，下班機delay咗又比人鬧」因此就有網友提出「應向當事人收費」，認為若因乘客掉落SIM卡而需拆座椅，航空公司應收取費用，以防他人濫用服務。
