萬年單身IT男年薪600萬 只要求對象輕過43kg 網民：唔怪得之出唔到Pool
台灣的婚姻介紹所「美滿服務中心」的服務主任徐乃義指出，不少單身人士自身條件都不俗，包括有女教師、 醫師、銀行經理等，但他們的擇偶條件都令到他無言以對。
單身男士要求女方體重43kg以下
婚姻介紹所服務主任徐乃義分享單身人士令人無奈的揀偶條件，一名70歲的離婚男醫師希望找到40歲以下的女士再婚；一名32歲的工程師希望女生識揸車，做「柴可夫司機」；銀行經理又希望找一個身材好、英文好的另一半； 最令人無語的是一名年薪600萬台幣（即約150萬港幣）的IT 男，要求對方的體重不超過43公斤，不論身高。
單身女士要求另一半「高富帥」、一定要有車 聽落令人無奈
單身女性的要求一樣高，徐乃義又分享一名美國知名大學畢業的34歲女碩士要求另一半是電視劇設定，條件包括身高180cm，職業要帶「師」字的專業人士，年薪要200萬台幣以上，外表要夠陽光，要見得人；一名女教師要求男性的手寫字要夠清秀；年輕女公務員要求男性一定要有車； 離婚女士希望另一半與自己一樣開進口車。
網民：一齊之後重過43kg就要分手？
網民看到43kg要求令人無言指：「一齊之後如果重過43kg係咪分手」、「其實數值係唔係真係咁重要？人嘅價值係根據數字去衡量？」、「43kg唔健康」、「11歲都好多未夠43kg嘅」、「我10年前係43kg的」等；亦有網民認為要求都不算過份，指：「米5左右，我有好多女仔fd都係40幾公斤，其實算易搵」、「台灣有 150 萬港幣年薪絕對屬於高薪一族，只係要求體重好過份咩？ 好多女仔又唔靚但又要求多多又要有車有樓又要年薪百萬又要身高 180，又唔見啲人出聲嘅？」、「人哋只係得一個要求咋！」等回應。
