港女不解「女人35歲單身有咩問題」　男網民湧入恥笑　遭事主現身反擊！

近年，發達經濟體特別是亞洲地區像香港、韓國、日本等地的結婚率及出生率持續下降。香港的結婚率更連續十年下滑，2022年登記結婚數目只有26,899宗，創過去三十年新低。同時，香港女性的初婚年齡也持續推遲，截至2021年香港的女性初婚中位數已上升至30.6歲；25至29歲香港女性已婚不足20%，40至44歲的單身女性由1991年的6%上升至2021年的20%。然而，不少人仍認為女生過了30歲仍未拍拖結婚，等同「賣剩蔗」，引起熱議。而近日有疑似年過35的女生在討論區發文，問大家「35歲單身有咩問題？」，慘被大量網民圍攻恥笑。

女生發文問「35歲仍單身有咩問題」網民：你問得有咩問題即係有問題

該女生開帖文稱：「講真女人35歲都單身有咩問題？」並且留言道：「寧願自己一個都唔可以對住啲低價值男人過人世啦，分分鐘遲啲又離婚仲畀人晒多幾年時間。」由於「中女」、「剩女」乃恆常熱話，因而招致數百回覆湧現，很多網民語帶諷刺回應，指「無問題，無人要無人理，唔影響人就得，話知你死啦」、「無問題，不過唔好怨點解無人欣賞自己」、「30歲後單身，應該一世都係單身，所以無問題」。亦有網民反問：「咁男人35歲都單身有無問題？」，認為男女不公平，很多回覆認為男人「幾多歲單身都無問題」、「點同！男人越老越值錢」。

單身 35歲女生發文問「35歲仍單身有咩問題」（圖片來源：Viu@同居少女諸事卜）（示意圖，非當事人） — 女生發文問「35歲仍單身有咩問題」（圖片來源：Viu@同居少女諸事卜）（示意圖，非當事人）

女網民：年齡不是重點，性格才重要

網民分享一些中女藝人，依然保持凍齡狀態，仍十分吸引，因此年齡不應是重點，反而認為保養十分重要。留言有指「其實只要KEEP得好，收入工作又唔錯，真係唔怕無人追」、「keep得好就好」、「有啲執得正，保養得好」。另外更多人關注中女的性格及精神狀況：「當你接觸過35+女生你就發覺年紀大係佢最小的問題」、「最恐怖呢班佔據晒公司中高職位，性格尖酸刻薄之餘仲要啲有另一半嗰班留公司陪佢哋瘋狂OT，仲成日跳掣」、「好多中女個格係好衰好難頂，但最搞笑嘅係佢哋居然唔知自己係好難頂同埋有問題」。

單身 35歲網民分享一些中女藝人，依然保持凍齡狀態，仍十分吸引，因此年齡不應是重點，反而認為保養十分重要。（圖片來源：Instagram@stboo） — 網民分享一些中女藝人，依然保持凍齡狀態，仍十分吸引，因此年齡不應是重點，反而認為保養十分重要。（圖片來源：Instagram@stboo）

事主現身反擊指負評只因網民「溝唔到女」

由於太多負評，事主出面回擊，稱「溝唔到女，咪搵啲理由出嚟講囉」，且獲得不少支持留言，「連登kam唔大力唱淡三十歲以上女性，等個個三十歲後降低要求，唔係點有機會溝到女」、「而家班毒L有無咁驚無得埋單」、「其實連登 D 毒L都係 15 / 20 / 25 / 30 歲都溝唔到女，但覺得自己去到 40歲啲女會任佢揀」。