啟德新商場AIRSIDE被指完全無定位 店舖奇怪似趕客
有網民於LIHKG討論區以「點解airside咁垃圾」為題，指「行咗兩次，個場到底係以咩為生？咁大個場，想買件衫都買唔到，咩世界之約！？Stock X嚟嘅，炒鞋都世界之約？得間Muji仲要細到老X都唔認得」。隨後旋即有網民加入討論，表示非常認同，認為AIRSIDE有4大缺點：
1.商場猶如只得美食廣場
不少網民指自己去完AIRSIDE後，只感覺全個商場「都係Cafe」，指「成個場得cafe，唔通想打做cafe商場？」、「成個商場都係食嘢，感覺上就係全港第一個全餐廳嘅商場」、「餐廳定價高，日本嘢閒閒哋嚿幾水一餐，又唔係好食」、「去完淨係知食咗個好貴嘅tea，完全勾唔起下次去嘅慾望」、「cafe間間逼爆，其他就無人行，其實真係悶到癲」。
2.店舖類型好奇怪
另外，更多網民指的是AIRSIDE的店舖類型奇奇怪怪，指「女人想睇衫睇鞋睇首飾，無；男人想睇波鞋睇電器，無；小朋友想睇玩具睇公仔，無。第一次行街行到咁空虛」、「成個商場賣鞋嘅得個2間，賣衫都唔見多間，又無U記又無GU呢D基本嘢，得間好細MUJI，唔知個商場想人買D咩」、「無端端有間跆拳道館，然後D小店又唔係賣玩具，衫褲鞋襪無一樣買到，裏面一律都係啲賣文青本土pop up嘢，但又唔係好特別，都唔知賣緊咩」、「間間格仔鋪買嘅嘢七成一樣，直頭成個低級市集咁」、「咁大個商場變到POP-UP集中地咁」。
3.商場指引不清晰
有網民則指商場的指引不清晰，並分享自身經驗，指「airside個設計好唔知點講，見到D啊叔啊嬸成日搵唔到路開道門，即係D非公眾位嗰D走廊，成個場睇落好大但好空，得食嘢同戲院嗰到多人D」、「上次搵廁所點知走咗入餐廳後門，走廊位有啲侍應衫嘅人喺到玩手機，以為佢係去廁所偷懶，點知行極到冇男女廁logo，已經係跟住天花嗰d指示牌兜咗半層」。
4.想扮K11但又無主題
AIRSIDE自開幕以來都被稱為啟德版K11，不過網民指「好明顯係想扮K11個Feel，但又無主題，入面乜都無，好奇怪」、「佢想文青又文搞唔晒，高檔又高檔唔到，貼地D生活D，賣D嘢又唔係生活所需」、「其實行musea 路線幾好，有大brand 有啲市集咁，啟德印象中其實無乜外國人，開city super 嘥氣」。
網民：全個場得2個優點
而網民更指，商場只有2個優點，一個是寵物友善商場，而另一個優點則是「可以連住港鐵站，行去Mikiki又方便」，但完全不關商場內部事。不過也有人指「入晒連鎖店你哋又話倒模商場，入唔到嘅店舖就畀你哋話奇怪，港人真難服侍」。
【友和限時優惠】即減15% Sony 索尼WF-L900 LinkBuds 全無線耳機 灰色 WF-L900/HM E 香港行貨 低至 HK$999
【友和限時優惠】即減20% Sony 索尼INZONE Buds 全無線降噪耳機 黑色 WF-G700N/BZ E 香港行貨 低至 HK$1199
【友和限時優惠】即減19% Dyson 戴森Purifier Hot+Cool HP07 三合一暖風空氣清新機 銀白色 香港行貨 低至 HK$4731
【友和限時優惠】即減20% Sony 索尼INZONE Buds 全無線降噪耳機 白色 WF-G700N/WZ E 香港行貨 低至 HK$1199
【友和限時優惠】即減19% Dyson 戴森Purifier Hot+Cool HP07 三合一暖風空氣清新機 黑鋼色 香港行貨 低至 HK$4731
【友和限時優惠】即減2% Dyson 戴森Purifier Cool Formaldehyde TP09 二合一甲醛空氣清新機 白金色 香港行貨 低至 HK$6118
【友和限時優惠】即減28% General 珍寶ASWX12LECA 變頻冷暖窗口分體式冷氣機 1.5匹 香港行貨 低至 HK$6434