撰文：SY｜圖片來源：
現在的小學入學試、功課、考試，都和以前大不相同，有部份入學試題及功課問題更不時被批太困難，連大人都未必識答。最近，有家長在Facebook群組「家長Secrets」中投稿，指圖中是一份小一學生的功課。圖中的練習上寫著要當一名小記者：「請把想訪問校長的問題寫下來。」而該名小一學生就寫了：「我們想問你喜歡甚麼顏色？」
最後，老師在批改功課時指學生問的問題沒有意義：「重做，要問有意義的問題」。事主就指，自己的小朋友問，為何這條問題不能問？相信事主都認為這份功課對小一學生來說實在太困難，更不解為何需要重做。
有網民看到後，就指有機會要和主題有關係：「我見你呢頁寫『活動二』，你呢份功課本身個主題係啲乜？ 可能老師覺得小朋友既問題同個主題唔配合，所以話錯。 就咁睇，小朋友冇做錯。 但係如果唔配合活動主題，變咗離題，咁就叫錯，要做過。」「其實係咪要同活動一有關連？」
但很多網民都狠批該名老師，不明白小一學生為何要問一些有「深度」的問題：「小學一年級學生訪問校長，要問啲咩有意義嘅問題？問學校嘅願景？」、「我們想問你小一學生應該問校長甚麼問題才有意義？」、「寫到咁深既字都偷笑啦，問顔色好出奇咩？ 改過佢就不如問，老師，你返工的目的是什麽？ 如果是因為錢就不如轉工吧。」、「其實問乜先叫有意義？要問校長我如何可以成為一個好學生哩啲老土嘢？」
更有網民爆笑留言：「校長係色盲的，你仲喺人哋傷口上灑鹽」、「一睇條功課嘅題目就係叫家長做啦」、「問一問老師：做老師有咩意義」、「校長，我們想問你，每月人工有幾多？津貼有幾多？佔學校支出的百分比」、「校長，您好，想問你對於呢間學校有甚麼貢獻呢？」
