打工仔批評女上司著姣Pink衫
該名樓主在Facebook群組「奴工處」發文，稱曾經有位多嘴同事在上班時大聲議論女上司的衣著：「阿姐今日着件姣Pink衫返嚟，唔知想引邊個？」，由於女上司身材矮小，經常被電腦屏幕遮蔽。那個多嘴同事便以為她不在位子，隨即就衝口而出，怎料女上司其實一直在位置並親耳聽見，場面相當尷尬。
下場超淒慘
女上司當時沒有出聲，只是默默行開，本來該名同事都抱住僥倖心態，但直到收工前女上司便出手，找該名同事「單獨傾計」，翌日更被「罰」，調到女上司旁邊坐，可以每日近距離直接欣賞女上司的衣著。
網民恥笑：自作自受
帖文一出即引大批網民嘲笑，指責該名打工仔根本自作自受，干涉別人衣著十分多事，即使真的想勾引人亦不需要交代、「自己口臭在先，職場講人壞話預咗俾人知」；也有人笑稱二人一早搭上，該名同事直接被「私有化」，「做場戲比你地睇，咁咪名正言順坐埋一齊日日姣囉」。有人則指出批評衣著十分討厭，「着Pink衫就係想姣人？即係噴香水實係有臭狐、食香口膠實係口臭啦？」。
