相信對於大部分港人來說，台灣是個相當熟悉的地方，唔知道大家對呢個地方有咩感覺呢？近日就有台灣網民在日本討論發現一篇帖文關於台灣旅遊，豈料當中居然有大量負面評論，令她難以理解地表示：「日本仔竟然這麼瞧不起台灣旅遊，台灣有那麼不堪嗎? 」

台灣 日本 講起台灣大家會有咩感覺？
講起台灣大家會有咩感覺？（圖片來源：unsplash@thevernon）

日本網民嫌棄去台灣旅行

最近，一位台灣網民就以「日本鄉民對台灣旅遊評價超差?」為題，講述自己在日本網站「5ch」見到關於台灣旅遊的帖文，當中居然有不少日本人對於台灣旅遊充滿負面印象，甚至表示不會再去第二次，當中原因主要有三種。

1.交通好危險

日本網民認為台灣的交通不及日本安全，因此直言：「交通太危險了啦，唔知邊日會俾車撞扁。」

台灣 日本 日本網民擔心在台灣會遇上交通意外。
日本網民擔心在台灣會遇上交通意外。（圖片來源：《屍速摩托車》劇照）

2.又臭又污糟

台灣的環境同樣遭日本網民詬病：「條街好臭，臭豆腐真係好恐怖」、「佢哋嘅海係污糟版嘅沖繩」、「曱甴好大隻」、「環境衛生同旅行的樂趣係成正比！」

台灣 日本 日本人覺得台灣又臭又污糟。
日本人覺得台灣又臭又污糟。（圖片來源：Facebook@「台北城市散步Taipei Walking Tour」）

台灣 日本 日本人難以忍受臭豆腐嘅味道。
日本人難以忍受臭豆腐嘅味道。（圖片來源：《愛回家》劇照）

3.大家都追捧嘅台灣美食居然好難食

講起台灣的美食會想起珍珠奶茶、蚵仔煎、滷肉飯，不過日本人就唔係好食得慣呢類型嘅食物，甚至狠批難食：「冇諗過啲嘢會難食到咁樣，嚇死我」、「令我最驚訝嘅係啲嘢食都好難吃」、「食乜嘢都有八角，陣臭味我真係頂唔順」、「基本上啲嘢食都冇鮮味，都係得啲鹹味或者係多餘嘅辣味同甜味」，有日本網民更表示旅行後只有失望的感覺：「去玩台灣完全唔覺得感動」、「我去到嘅時候心諗『下？就係咁樣？』我去橫濱中華街唔好？」

台灣 日本 睇嚟日本人好唔鍾意八角陣味。
睇嚟日本人好唔鍾意八角陣味。（圖片來源：《紅衣女孩》劇照）

呢兩個亞洲地方完勝台灣

為此，部分日本網民認為亞洲有兩個地方完勝台灣！首先是泰國，他們認為當地物價便宜、風景優美，因此非常值得去遊玩：「去曼谷啦，佢哋啲飯真係好吃」、「泰國真係一個熱帶國家，樹葉多、物價平，仲要有好多好靚嘅渡假村，又可以試下騎大象，又有好多美食同可以Shopping！」，甚至表示：「泰國韓國台灣」。除了極力推薦去泰國，日本網民還認為去韓國旅遊也是個不錯的選擇：「去韓國啦！仲好過日本嘅城市」、「韓國咁流行化妝品、韓流和韓劇，我都唔知道點解要去台灣。」

台灣 日本 日本讚泰國有好多靚嘅渡假村，同埋好多美食。
日本讚泰國有好多靚嘅渡假村，同埋好多美食。（圖片來源： Unsplash@Rémi Prévost）

台灣 日本 日本網民認為宜家韓流hit爆全球，所以好值得一去。
日本網民認為宜家韓流hit爆全球，所以好值得一去。（圖片來源：Instagram@blackpinkofficial）

台灣網民反應一面倒？

上述的言論令到樓主好嬲，仲話：「日本人竟然這麼瞧不起台灣旅遊，台灣有那麼不堪嗎? 」不過其他的台灣網友就唔係好Buy佢嘅睇法，仲紛紛留言認同日本人的評價：「東西真的難吃，好吃的不多」、「笑死，一針見血」、「機車又多又吵，超級落後還自以為特色」、「海比較髒的沖繩真是抬舉了」，甚至有人認為：「日本鄉下還比台灣舒服」。

圖片來源：unsplash@thevernon、《屍速摩托車》劇照、《愛回家》劇照、《紅衣女孩》劇照、Unsplash@Rémi Prévost、instagram@blackpinkofficial、Facebook@「台北城市散步Taipei Walking Tour」