撰文：SY｜圖片來源：Facebook@奴工處授權
香港有不少少數族裔扎根，網民指自己的公司來了一位南亞裔新同事。在第一日上班，上司就帶了南亞裔新同事及其他同事去飲茶。在午膳期間，有同事夾了一條叉燒腸粉給南亞裔新同事，更指：「好好味」。南亞裔新同事不為意就吃了叉燒腸粉，而同事之後更問：「啲豬肉好唔好味」。南亞裔新同事一得知自己吃了豬肉，就激到「生蝦咁跳」。
不少南亞裔人士信奉的宗教主要是伊斯蘭教、錫克教和印度教。而信奉伊斯蘭教的，是不能吃豬肉。不少網民就指同事很不尊重人：「新朋友新同事第一次一齊食飯，我一定會問左佢有冇野唔食。無論係咩原因，宗教減肥定健康原因，都要尊重」、「人哋宗教呢啲嘢真係唔可以用嚟玩，連呢啲基本尊重都無，你第日都唔好問點解人哋唔尊重你」、「睇下佢無心定特登，有時身邊無呢d人真係唔記得左，不過特登問豬肉好唔好食，應該都係知，咁就好賤。如果人地敏感會死人真係玩死人」。
有網民認為問「啲豬肉好唔好味」，這分明是故意的。
但有網民就為同事辯解：「個帖又真係冇講南亞邊度、咩教喎」、「果位南亞同事有冇事前講過唔食得豬肉？如果冇嘅，我反而覺得係禮貌，完全冇玩人既意思。」
