網民認為「北上熱潮就玩完」香港將會恢復正常 港人竟然唔認同！
有網民在Facebook群組「深圳大陸吃喝玩樂交流 （By Runhotel）」中發帖文說到：「啱啱食Lunch，同事話今年多人去深圳係熱潮，玩埋個聖誕新年，下年啲人就會留返喺香港多 大家認唔認同」帖文反應熱烈，引起不少網民討論，不過大家都非常不同意「北上熱潮就玩完」的說法，更列出背後5大原因，指香港難以回到當年好，紛紛留言表示：「宜家連工人姐姐都上去玩！」、「香港服務業不思改進！只有死路一條」、「撫心自問，真的很難返轉頭」、「呢幾年疫情仲留唔夠咩」。
1.香港食物品質不及內地
不少香港人北上都以飲食為主，而大家都認為香港在食品品質方面，遭內地大幅拋離：「深圳間間食肆都係食新鮮肉，香港就間間冰鮮，我食完已經返唔到轉頭」 、「食開多口味又點會返嚟香港食返啲頹飯」。
2.香港服務態度差 與其受其不如北上消費
港人服務態度差是不少網民公認的事，不過接不接受亦是另外一回事，加上香港消費高，因此令不少人認為自己購買的服務與待遇有落差，與其在香港受氣不如回內地消費：「香港保安會叫人『躝』」、「香港食人頭2千嘅餐廳，都無上面咁好服務態度」、「屋邨嘅價錢，係深圳享受五星級服務，好難返轉頭」
3.香港物價高昂 性價比太低
不少網民認為香港物價高昂，成為不少人北上消費的主要原因，因此令到在市民眼中在香港沒有消費的吸引力，除非情況有變，否則大家都會偏向在內地購物：「若果香港啲舖租平返啲，物價平返啲，服務態度好返啲，我隨時留港消費。」、「香港減價三成就返來」、「香港物價不減～好難吸引消費」、「今日係香港食左個90蚊嘅普通午餐，前日係深圳食左個90蚊嘅海鮮自助火鍋。」
4.香港土地面積細好輸蝕
人們都說香港土地寸金尺土，由於土地面積有，因此非常值錢，不過同時亦遭到港人嫌棄：「深圳商場地方大，無壓迫感，餐廳又多位比人慢慢坐，睇返香港啲場⋯⋯」、「深圳玩厭咪去廣州，或者去大灣區各城市，甚至其他省份，高鐵咁方便。」、「深圳只係第一步，珠海，廣東省都有排玩。」、「香港商場百年老店咁一成不變！除咗名牌都係名牌！」
5. 香港變化太慢 不及內地創意多多
雖然香港被指為國際大都市，不過網民認為香港毫無創意可言，反觀內地無論是飲食口味還是店舖風格都日新月異，為大家帶來新鮮感，因此短時間內大家都不會留在香港，而北上熱潮不存在即將完結的說法：「大陸唔同似香港咁變得咁慢，基本上你未到厭果下已經有新野，所以真係好難厭的。」、「深圳商戶窮則變、變則通。」
網民意見不同：香港人羊群心態，好快轉埸！
不過亦有網民認為香港人大多為羊群心態，總是會跟風做事以免有輸蝕，而疫情三年大家都困在香港多時才會爆發北上熱潮，又表示內地物價將會被港人推高，未來大家就會失去深圳消費的意欲：「香港人貪新鮮，佢哋好快轉埸。」、「內地價格貴咗，同香港差不多時就可能減退」、「下年一定大部份人繼續去大陸食買玩，然後香港經濟繼續重創下加上輸入外勞，失業人口上升到時候就會無咁多人上去消費」。