買零食驚見自創字體被抄襲
設計師文啟傑12日凌晨於社交媒體發帖，怒斥「啱啱喺 AbouThai 阿布泰國生活百貨見到……華園 Wah Yuen 你無X嘢呀嘛？直接 SCAN 我粒字做包裝？我寫嘅字我真係會唔認得？偷完一粒，其他又砌成咁，一陣讀者以為同我有關以為我腦退化咁點算？」。帖文隨即引起網民討論，紛紛留言指「直接搵律師啦！」、「公道啲講，其實班膠（高）層邊會識你乜字體，不如公審個設計師，最好令佢冇埋份工！」又有似乎是不同政見的網民留言諷刺指「原來勁揪體要收錢」。
各方具誠意溝通
同日凌晨4時40分左右，肇事的華園零食回應帖文：「早！ 您好！ 我是華園的市場部同事，容我們跟設計師了解先，同時會盡快交待事情狀況。」而文啟傑於中午回覆：「你好，感謝回覆，請了解一下事件。」似乎雙方仍然「有偈傾」，希望大事化小。
另一方面，華園零食在同日早上7時40分左右，於自家公司的社交媒體專頁發帖指已正在跟進事件，並指會盡快向大家交待詳情，似乎經已通宵達旦處理事件，非常著緊。儘管如此，仍然有網民不收貨，要求華園可有交代之前應先將相關產品下架。
事件極速獲得解決
華園下午5時30分左右回覆再出帖，指已與「勁揪體」原創者達成共識，事件已解決。帖文隨後也獲文啟傑轉發及解釋：「原來佢哋搵咗出面嘅設計公司做設計，但一個不慎揀咗呢個設計；另外佢哋會回收該設計斬掉重練，呢個係我最重視嘅，最緊要靚。另外，AbouThai 阿布泰同事極速秒回，尋晚 0100 已經打咗嚟話會將該設計下架，另外亦中間協助雙方溝通。」他又指自己爆粗是習慣，並不代表憤怒，又表明自己是華園齋燒鵝及阿布泰有氣水的支持者，事件得到完滿解決。
「勁揪體」小檔案
「勁揪體」是一套以毛筆寫成的字體，原名「獻醜體」，於2015年世界杯外圍賽，不少球迷手持「香港勁揪」旗幟中的字體而嶄露頭角。翌年，設計師發起眾籌成功集得70萬，希望設計 6,000 個常用正體字，製作「勁揪體」，「勁揪體」的買家可因應不同定價，享不同層級的授權使用。
