日式餐廳收$100切餅費港女嫌貴
該女事主於Facebook群組「香港茶餐廳及美食關注組」出post，分享某日幫襯一家日式料理餐廳，貼文開首指餐廳「食品都新鮮、價錢適中」，但就指「夜晚的服務態度非常差、特別是高大嗰個眼大大服務員」，然後就來到重點，樓主當日原來是帶了蛋糕去餐廳，後來發現「在舖頭切蛋糕要$100服務費，所以我們選擇沒有切蛋糕不值得」，更加上一個嬲嬲Emoji，表示憤怒。
網民指收$100合理、港女反駁：普通餐廳仔咋喎
不少網民都覺得餐廳收$100是合理價，指「正常都收切餅費，其實100蚊差唔多」，沒想到港女回應「切蛋糕收費我知道啊，但冇理由收$100囉，普通餐廳仔」，更質疑收了加一就不應該再收切餅費，有網民續問那多少錢才合理，港女回應「大多數都係$30、$50之間」，又指「如果你五星級酒店，我一定比(畀)」，意指一間普通日式餐廳沒資格收取$100切餅費，只有五星級酒店才可以收取這個價格。
網民一面倒指責：叫外賣算啦
看到港女的回應後，網民都一面倒指責，有網民指出「食懵你呀…廿年前都已經收緊$100一個蛋糕」，認為港女太離地；也有網民指出「自帶食物畀得你向度切及食，即係食耐啲，阻住張枱下一輪嘅生意，至係最大成本」、「餐廳仔唔使成本？覺得唔值得嘅唔好出街食啦」，力撐餐廳收$100是合理定價，更勸港女「留家叫外賣算啦」；也有網民直言「去之前問定人哋有冇切餅費，如果覺得$100唔合理，你可以選擇唔去幫襯」，而不應該這樣「唱衰人」。
