港男讚移居深圳好過抽公屋：食平、住平、買嘢平！
近日有港男在Facebook群組「公屋討論區」指獨身申請公屋，不過輪候公屋時間仍然未有回音，近日就發現有同事移居深圳，1房1廳的單位，單位面積大過香港多多聲，而月租只需要2500元。在交通方面，同事每天都會在香港西九龍站搭高鐵來往尖沙咀上班，整個車程連同過關都約30分鐘，每月車費合共3,600元，而租屋及車費都只是6,100元，令港男忍不住大讚有深圳生活有三好：「食平、住平、買嘢平！」而自己亦都「心郁郁」想學同事搬到深圳住，不過因為不是非常熟識深圳因此仍然在考慮。帖文出街引起不少網民迴響，網民反應兩極，有人認為現時香港物價還是樓價都高得離譜，不妨考慮在香港工作，把錢留在內地花費，一年下來可以節省不少：「我朋友元朗做倉散工，搵二萬幾一個月，佢上面月租1500，都係日日上上落落，收工仲順便帶一轉貨上去，我開頭都唔明點解咁辛苦，到今年頭佢係上面買埋樓⋯⋯」不過亦有網民列出3大原因反擊。
1.休息時間不足
網民認為通勤時間相當重要，如果在內地的居住環境與香港的工作地點相聚甚遠，就沒有足夠的時間休息：「每日要坐頭班6點半火車開工，當你9點開工，即係每日6點許在口岸等開閘。起床同埋去關口的時間計」、「上下班也來回最少3小時，已是極速！點樣休息！瞓一陣就要返工」。
2. 隨時連份工都冇？
雖然事主表示在移居深圳後，做高鐵上班時間只需要30分鐘，不過就有網民以身邊的人事作為例子：「之前有兩個下屬都係咁， 一個經常遲到， 另一個經常早退，原因都係路途遙遠，最後都係要被解僱」。
3.與香港的親友感情變淡
網民認為事主移居深圳，基本上下班後會搭高鐵離開，難以抽時間與朋友見面：「收工趕上去，少同朋友或同事吹水，慢慢少左朋友或同事，交情少咗、生疏咗。」、「樓主係香港有女朋友就唔好考慮， 又搞啲冇米飯感情故事， 又使一大堆時間和金錢， 最後得個吉」。
4.住屋月租僅2500人仔唔會好得去邊！
不少網民對於2500人民幣就能在深圳租屋感到質疑，就算這樣的單位，其環境未必符合理想：「$2500深圳、廣州租屋？好極都有限啦！不過肯定好過劏房嘅！」、「2500租得啲乜？城中村冇電梯嘅劏房？冇獨立廁所、冇空調60呎的十年前也要2400人民幣，2023年請問要多少錢？」
5.深圳物價實際唔平？
雖然不少人總是表示深圳物價較香港低，不過就有網民指：「其實，深圳食野真係好平咩？疫情前我曾經去過幾次，要去啲企企理理的餐廳食野，唔見得好平」、「有啲生活用品分分鐘大陸仲貴過係香港買！」
