人妻婚後發現老公驚人真相
事主最近揭發老公原來在結婚前是一名經常嫖妓的人，也試過沒有戴安全套來進行性行為，令她大感崩潰。不過，她沒有講述其揭發經過，只透露得悉真相後連續數天都「喊住瞓」，「乜都諗唔到，返工都集中唔到精神」。
網民反應兩極 有人指「識返屋企就算啦」
帖文發佈後，短短時間內獲得許多關注，不少網民都建議她離婚，「接受唔到就離婚啦」、「強迫自己接受只係令你人生玩完，離婚搵過第二春啦」、「冇仔女咪離（婚）囉」；也有人擔心事主因而會患上性病 ，「好污糟，好心你離婚啦。一陣惹到自己成身病為啲乜」，有人則建議事主「一係忍吓或傾吓」。對於離婚，事主回答指離婚不僅只是錢的問題，主因是「唔想令四大長老失望同擔心，同埋我會無咗一個陪咗我幾年嘅好朋友」，更強調這些事情是無法解決的。
此外，有網民指在現今社會上，未婚男人去嫖妓是很普遍的事，還勸喻事主需看開一點，表示「識返屋企就算啦」、「係男人都有慾望，結婚就唔好搞就OK」、「單身就唔可以有生理需求？唔通真係去強姦咩？」
有人更提出，二人的信任及關係已有裂痕，「建立信任先係最難，你真係有信心成世流流長佢以後都唔做? 」、「你覺得自己仲可以無條件信任佢?」、「其實個信任都好難建立返，你只會一路懷疑」。
事主：層樓我個名我供我買
由於事主的帖文較為簡短，故引來部分網民質疑事件的真確性，不過事主馬上回應表示自己若然說謊，便會「死全家」。期間，女事主又透露現時工作穩定，人工還較老公多數萬元；現時兩夫婦的住所是由她付錢及供款的，業主也是自己。
最後，事主也有交代與老公的最新狀況，「我同咗佢講最後機會，再俾我發現，我會離婚跟住離開香港，佢以後會搵我唔到」。
