戶戶送、foodpanda停止送餐 平台官腔式回覆惹炮轟：錢就識收
最近有deliveroo戶戶送的官方Facebook專頁留言表示，戶戶送應用程式中顯示沒有餐廳可提供送餐服務，亦未能使用送餐服務，質疑戶戶送的外賣服務是否已癱瘓。同時因為deliveroo無法提供外賣服務，所以也有已經購買了戶戶送會員的deliveroo plus用戶查詢本月月費將會如何計算。
面對用戶的查詢，deliveroo方面則回覆到：「很抱歉，由於訂單急增及受天氣情況影響，餐廳選擇可能會受到限制，並且送餐時間可能會更長，造成各位嘅不便，我哋深感抱歉！如果方便的話，你亦可選用自取服務，多謝支持！」
而另一外賣平台foodpanda的官方Facebook專頁，也有不少用戶批評送餐服務已暫停數日，十分關注平台服務可以在什麼時候恢復正常。foodpanda則在網站及程式內回應用戶的查詢：「由於送餐服務繁忙，暫時沒有餐廳可接受訂單。我們將盡快回復正常送餐服務。你依然可以選擇外賣自取功能，全日低至6折。」
兩大外賣平台回覆後，用戶們炮轟：「落得街自取不如出去買飯食啦！仲叫咩外賣」、「錢識收，收完要人體諒，仲叫人自取」、「比咗月費Join會員，但尋日全日同今日都落唔到order，月費又收咗，已經唔係餐廳選擇少同送餐時間長咗，而係一間都無得落order」、「個月費會籍又貴過人，又唔送餐，做會員嚟做乜」。亦有網民回應到：「咁嘅天氣人人都叫外賣，人少做唔切好正常啫，等唔切咪自己落街買囉」、「佢地電單車送外賣，落晒雨、又凍，慢慢揸車安全啲嘅，人哋賺嘅都係血汗錢嚟」、「真係要為外賣員平反一下，有時送餐耐真係唔關外賣員事，係個制度問題」。
