港人帶內地親戚到小紅書推薦大排檔 直言：食到媽媽聲
早前，有港人分享自己帶內地親戚食小紅書推薦的大排檔，對方卻「食到媽媽聲」，相信是食物質素不太好，而內地親戚更直言「冇嘢買冇嘢玩冇嘢食，嚟香港都唔知為乜！」，當事人即指「畀多次機會吖，嚟緊有香港夜繽紛呀！」，親戚追問「有咩活動？」，事主即表示「戲飛好平喔！搭地鐵仲送你一程」，親戚即冷冷地回覆「丟！」。聽到親戚的說話後，事主表示「而家做香港人，喺同胞面前都抬唔起頭」。
網民：香港真係冇嘢好玩！
有不少網民都同意香港的確沒有甚麼好玩的地方，表示「深圳太進步了，香港人想玩想食的嘢全部都有而且多價錢仲畀香港平」、「一個字，便宜，食物質素一般，香港食物高質素，成本高，鋪租人工，比內地貴」、「香港人都唔在香港消費，點樣叫我地d同胞呀，你當人地係韮菜咩，食嘢限時限刻，坐多陣都要比人趕，搵鬼去啦 」，亦有網民自嘲「香港有500年一遇的奇景，又有螢光獅，又有兩餸飯，真係唔吸引咩？」
有網民質疑：小紅書都好信？
亦有網民質疑「點解要睇小紅書介紹的大排檔呢？…..不過而家好食的大排檔真係好少了！ 」更有網民明言不歡迎大陸人來玩「唔該真心叫佢哋宣傳唔好落嚟，大陸好先進，香港好落後，物價又貴，生活又悶」、「佢哋最好唔嚟，香港人唔係好歡迎佢哋」，討論熱烈。
資料來源：Facebook@歪歪