撰文：CY｜圖片來源：Facebook@生仔要考牌系列
兒子生日住酒店慶祝 港媽話唔Upgrade又唔送免費佈置 網民留言好精警
最近有港媽在Facebook群組「香港 Staycation 酒店交流谷」發文，話自己日前去酒店Staycation時，撞正「個仔生日，酒店冇表示，冇得升級，冇免費佈置」，最後埋尾一句「是酒店責任嗎？」，似乎認為酒店有做錯，應該要負責任！
貼文事後被網民轉發至Facebook群組「生仔要考牌系列」，引起廣大迴響。生仔要考牌系列管理員留言話「個仔生日，［*Fill in the blank］冇表示，冇得升級，冇免費佈置，是［*Fill in the blank］責任嗎？」，暗串好多無理港媽都用同樣藉口責怪他人未有給予兒女特殊禮遇。
延伸閱讀：生日住酒店嫌冇員工講生日快樂「沒有Happy的Birthday」 網民鬧：生日快樂都要搲好陰功
有好多網民都相當激動，話「個仔生日爸媽唔使表示，反而要酒店表示？咩邏輯」，仲有網民話要求酒店提供咁多免費服務，「唔知以為個仔係間酒店爆出嚟」，講到似層層，連專頁管理員都笑埋一份，話「究竟人類可以點樣同酒店發生關係？」
亦有網民好公道，斥責「父母責任，父母無錢唔好出去玩」、「畀多啲錢住貴啲唔得嘅，係要搲Free Upgrade，正一大種乞兒嚟」，話一分錢一分貨，支付了金錢自然享受同等價值的體驗，對方並無責任贈送更多服務。
延伸閱讀：酒店業界呻香港西客多 網民反擊：冇我哋幫襯嘅話 你就冇工開
