荃灣停車場特權人士可享免費停車位？
網民不滿：其他人月租至少$3,200！管理處最後竟然咁回覆
停車場月費一向都是養車的一大開支，市區停車場一般而言月費都以千元計，價格視乎車位供應量，有可能會更貴！去年有網民在Facebook群組「車cam L（香港群組）」上發帖，指控一輛白色中港牌私家車，免費停泊在荃灣中心一期停車場的露天範圍內，樓主每個月為其拍照，竟發現車輛連續4個月停泊在該位置，直言對其他車主好唔公平，「佢就日日免費任泊，其他全部車就要交月租至少$3,200。」
及後事主更指已就事件去信管理處，不過管理處就回覆，「經調查後得悉該部車輛是由法團准許停泊於該處的。」感到非常無奈又憤怒的樓主就詢問一眾網民，「仲可以點做？真係咁唔公平都冇佢符！？
網民對此就建議事主，可以向大廈要求查看停車場地契，睇吓「收益入邊個度」、「問下民政事務處法團係咪有咁嘅權力，玩大啲去埋ICAC 睇下有冇人從中獲得利益。」、「如果你得閒，可以打去田土廳或地政處，話法團將呢個行車通道畫做私人停車位，違反地契，到時可能要佢哋交返地租及差餉，玩大佢！」
不過也有網民覺得不要小事化大，更以黃子華的魚蛋論駁斥事主「我唔要我有 我要佢都冇！心理不平衡。」，到時搞大件事「連車位都無得租」。
