事主：咩都唔使做已經有幾廿萬收
事源事主在屯門的辦公室上班，剛入職不久，有一日到公司樓梯間講電話，對住電話另一方的人講：「20萬？咁少賺嚟做咩？老豆間公司每季都會分紅，我咩都唔使做已經有幾廿萬收，得閒到我而家要出去揾其他嘢做攝時間，我投資落你個plan度冇意思㗎，講真幾十萬要我嘥咁多精神時間，跌咗都費事執啦，你壇嘢太細喇，冇利潤」。
綽號「屯門小富婆」 成日放工搭的士
怎料，原來有2位同事正在樓梯上層，因此偷聽到事主的電話對話，並在傾完電話後立即驚訝地走向當事人：「嘩！你屋企做咩生意㗎？」很快地將事件傳遍整個辦公室，事主因而獲得「屯門小富婆」的綽號。另外，由於事主每個星期都有3至4日放工會搭的士回家，也有其他同事認為她很富貴，甚至希望可以「痴車坐」，最後因為不順路而被婉拒了。
澄清誤會反被指低調
事實上，事主只是因為不斷收到傳銷電話的滋擾，因此在電話中才以浮誇言語去令對方知難而退，但沒有想到有同事會聽到並當真，雖然後來有嘗試向同事們解釋有關電話內容的事，但同事不單不相信，更認為她是刻意低調，又指「通當愈窮嘅人就愈鐘意扮有錢，而愈有錢嘅人反而會扮窮」，可算是有理說不清。
事件惹來麻煩 同事紛紛借錢
至於事主每星期有幾天會搭的士回家，只是因為她的父親是的士司機，但她認為父母的職業是私隱，不想透露太多，於是也沒有特別向同事們解釋。麻煩的是，其後有4位同事先後向事主借錢，幸好全部都有借有還，但久而久之，當同事到月尾缺錢用時就會想起她。事主最近第5次被同事借錢，而且一借要借2萬，因於大家已深信她是小富婆，唯有藉口自己的人工已花去大部分，平時其他費用都會用父親的附屬卡，因此沒有餘下太多錢，「如果我問屋企人拎幾萬蚊，一定會問長問短，知道我借畀同事仲大獲，佢哋聽日叫我辭職都似，sorry，幫唔到你」。
資料來源：FB@辦公室日報
