網民公投7-11 VS OK便利店 2揀1！意外壓倒性投呢間
網民在討論區上發帖，發問「大家鍾意OK定係7仔多啲」，並指出自己偏向選擇OK便利店，雖然7-Eleven在本港的分店較多，覆蓋率也比較高，但意外地大多網民也認同樓主的觀點，編輯就為網民的意見整合出以下OK便利店勝過7-Eleven的4大優勢。
無得輸原因 1.熟食較高質
網民提到兩間便利店都有提供不同的食物，但相對而言OK便利店的熟食較為吸引。不過就指7-Eleven的叮飯比OK質素好一點，提供選擇的款式也較多，但「一個7 select三文治要廿蚊個」、「好L貴」。
無得輸原因 2.收錢姐姐態度好＋較熟手
網民表示7-Eleven的員工態度通常比較差，「7仔無論邊個都淨係收錢機器」、「有時有優惠但過唔到機就話做唔到」，但相反地OK的姐姐「熟手好多，成日會提你有優惠」，在這一點上完勝7-Eleven便利店。
無得輸原因 3.優惠較多較抵
投下OK一票的網民不約而同地表示OK便利店的優惠比較多及抵，「成日有啲$2優惠卷可以用，生日又有$10 優惠卷」、「好過個7-11 YUU多多聲」。
無得輸原因 4.不會因地段價格而調整貨物價格
相信貨品的價格也是很多人選擇哪一間的考量，網民指出7-Eleven經常因為分店的地段不同而調整貨物價格，地段較貴貨品就較貴，地段較便宜貨品就比較便宜，直斥「仲有D私樓下既7仔，都係貴到仆X」，反之OK便利店就沒有以上的問題，每間分店的貨品價格都差不多。
