何伯夫婦秘密回港被網民揭發
近日，有網民在Facebook表示發現何伯夫婦從內地返港，目擊二人在屯門的超級市場購物。不過據了解何太位於屯門的公屋，並沒有為何伯「加名」，因此何伯是不能在此留宿，因此疑似有街坊就事件舉報，令何伯「屈蛇」被斷正，二人唯有敗走內地。
何太哭訴指：「房屋署逼害他們」
何太在其社交專頁上分享影片，哭訴指「房屋署逼害他們」。她聲稱在懸掛8號風球當日，房屋署一名鄧姓職員上門「迫害」她們：「我哋兩公婆落香港兩日，逗留兩日約咗日子睇醫生嘅，竟然都可以迫害我哋。係咪咁樣做嘢㗎房屋署局長，你出嚟交代！佢話代替你局長講嘢喎，係咪？我哋幾個女都冇返去嗰度，都冇喺嗰度住啦，有時返一日半日啦，係咁樣絕情？」
她透露，何伯「被迫」要離開屯門公屋單位：「房屋暑（署）迫害我哋，今次遇上8號風球都要趕走，請有良心人士替我主持公道」，更揚言即使要打官司也不會輸。
網民笑指：呢鋪真係「你7街瞓」
大部分網民都對今次事件表達豪不同情，更認為房署「終於做到嘢」，譴責何太「霸佔公屋」的行為。有網民笑指何伯今次不得不「7街瞓」、「呢鋪真係…『你出街瞓』」。
