港男入住尖沙咀酒店被索賠償
最近一位港男在在Facebook群組「Staycation HK Hotel – 留港宅度假 本地酒店住宿優惠」分享入住經歷，指日前於尖沙咀某酒店停留兩日，於退房後5小時，突然獲酒店職員電話通知，因入住期間毀壞房間燈罩須作出賠償，惟事主表示自己與同行友人「掂都無掂過床頭燈個燈罩，走果時成間房係完好無缺」。
酒店經理疑反口覆舌 賠償金額隨意改
事主向酒店職員堅稱離開房間時房內設施一切正常，酒店經理僅重複稱「我地依家發現房間有嘢爛左都要收返費」，又話「你嗰$1,000按金就退唔返比你㗎喇」。事主質疑賠償金額過高，酒店經理迅速改口風，表示「無價單係手，你預可以一半左右（約$500）喇！」，至晚上再將賠償金額提高至$800，又稱如不作賠償則須扣起$1,000按金，期間三次改動讓事主無所適從。
酒店一張相片當證據 疑無道理都照索賠錢
期間酒店經理向事主展示損毀燈罩及一張房間照片作為證據，惟事主認為該照片「只影到爛燈罩，影唔到個大環境」，質疑該相片可信性，酒店經理表示理解後，僅再度重複「明白嘅，（不過）你都係要賠依$800」。
酒店經理串嘴兇「咁報警啦咁」 事主無奈支付賠償
事主又認為事件存疑，希望有第三方人士作伴，酒店經理則冷淡回覆「咁你畀完再搵」想儘早了事，又質疑事主「咁你依家係咪唔想賠」，並以「咁報警啦咁」威逼，事主當時自覺「肉隨砧板上」，在短暫衡量認為支付$800賠償較扣起$1,000按金划算，最終無奈支付賠償。
住酒店要睇信譽 事主：要學識保障自己
事主稱「 唔排除係執房整爛唔認數，變咗入我數呢個可能性」，又認為酒店應該有責任了解事件，而不應該將責任推卸至住客身上，惟事主已經支付賠償，無意再追究。
他在貼文呼籲香港人，住酒店一定要留意酒店信譽，在入住時要檢查清楚、拍片影相作證，在退房前亦應該「開住新聞台（時間證明）拍多次片」作證，萬一被酒店冤枉都可以成為證據。
網民：酒店屈客都有？！
事主的帖文引來大批喜愛staycation的網民留言，網民們紛紛表示事件十分離譜，更指酒店屈客的行為極不可取！亦有不少網民分享入住經歷 ，
