王維基質疑京東APP抄襲HKTVmall：「學」得似模似樣
王維基圖文並茂指出，京東香港APP與HKTVmall APP相似度高達八九成，連圖案設計都「學」得似模似樣，令人「難分真與假」。他笑稱：「都幾好笑，堂堂京東的App竟然八九成模仿我們HKTVmall，把我們抬舉了，多謝。」王維基透露，有朋友誤以為京東APP是假冒應用，反映其設計與HKTVmall極度相近。
「買貴就賠」居然唔包HKTVmall 王維基：係睇我唔起？
王維基進一步針對京東「買貴就賠」政策發問，指該優惠僅涵蓋百佳、惠康、百老匯和豐澤，卻未包括HKTVmall。他反問：「係睇我唔起，定抑或因為唔夠我哋平？」此言暗指HKTVmall價格更具競爭力，質疑京東策略是否刻意避開直接對比。他強調面對京東「兵不厭詐」的攻勢，HKTVmall將「兵來將擋」，全力應對這場電商戰。
京東列5點反擊 向王維基宣戰：我哋好樂意同你比！
而當日晚上，京東透過Facebook回應列出5點反擊王維基的質疑，更直言：「王生開咗個頭，我哋都好樂意同你比下邊個對客更好」
1. 京東的目標
京東進入香港市場的目的是為香港市民提供優惠，而不是與其他平台競爭。京東希望將優質商品以更低的價格和更好的服務提供給香港消費者。
2. 成本優勢
京東通過自主管理貨源、倉儲和物流，能夠將成本降至最低，從而提供更有競爭力的價格。
3. 免運費優惠
京東宣布在香港推行滿188元人民幣即可享免運費送上門服務，涵蓋全類別商品。
4. 家電免費安裝
在家電銷售旺季（至6月底），京東自營家電購買者可享免費上門安裝服務。
5. 買貴就賠服務
如果消費者發現京東的商品價格高於其他平台，京東將實行「買貴就賠」服務。
網民鬧爆京東回應
然而，京東的回應字裡行間都避開抄襲指控，只是借機宣傳自家服務，結果惹來一眾網民鬧爆。
1.指責抄襲他人設計
不少網民指責京東抄襲他人設計，但回應卻不斷避而不談：「App design都要抄」、「抄襲人仲咁無恥」、「抄人圖」、「連個Apps版面都要山寨」、「抄人當無野」、「炒左又吾認，講A答B」、「JD抄襲人家版面避而不談嗎？」、「講咁多做咩，認抄人圖認用錢撻人咪得」、「話你抄襲就係關注你? 禮義廉?」
2.態度厚顏無恥
另外有部分網民亦認為對方在抄襲後缺乏羞恥心：「厚顏無恥」、「人無恥便無敵」、「抄人都抄得咁厚顏無恥」、「抄人仲咁X串」、「然後理直氣壯話自己唔係同人鬥」、「抄你就抄啦，咁厚面皮」、「抄人野仲咁X串」。
3.質疑公關策略與回應
有部份網民批評對方的公關手法低劣，試圖用其他方式轉移焦點：「諗住用平價post轉移視線」、「好心就搵個醒少少公關啦，出埋啲低能post」。
4.支持本地及抵制行為
亦有些網民表示不會接受對方的產品或服務，並支持本地創作：「香港人唔buy你哋㗎，走啦」、「蹭HKTV流量都冇用，幾平都冇用呀！繼續支持返香港local嘢！」、「無料又自卑先要抄人，真係笑死咁無個性」。
