澳門餐廳踢爆美食KOL食評黑幕
日前一間名為「船媽泰麵」的澳門餐廳於Facebook專頁發文，踢爆於Instagram擁有約1萬粉絲、自稱實話實說的美食KOL「foodie_grading_mo」（下稱FG）的食評黑幕。當日FG以訊息形式聯絡The Hideout Coffees，表示同一日已到餐廳進行拍攝，會在稍後時間發佈食評，希望餐廳可以澳門幣200 – 500元（ 約195港元 – 484港元）贊助食評，並表示如果願意落廣告，會「執靚啲文案」，而沒有落廣告的食評則會「寫得直率啲」。
The Hideout Coffees在收到FG聯絡後並沒有回覆，而是將對話紀錄截圖，並由鄰店船媽泰麵放到Facebook專頁上，直斥FG的行為是「現代古惑仔收陀地招數」 ，並表示「因為係澳門只要餐廳還擊就一定係餐廳蝕底，小器無公關唔識做生意，久而久之就造就呢班『直率真Foodie』出嚟無本生利搵食」。負責人更笑言：「諗諗下我都參一腳走去做foodie，食X完嘢走埋去同個收銀講『我好X real嫁，後數得唔得先？唔得唔好怪我率直實話實說呀！你唔俾咁樣對付出店家唔公平』」。
事件爆出後引來不少網民熱議，大批網民炮轟FG的行為猶如「大種乞衣」：「原來依家澳門興咁樣收陀地」、「原來店家應該嘅付出唔係食物質素，係200 – 500蚊」、「老笠嚟講算好俾面喇，又直率又現代化」、「原來有咁既花式收陀地方法，唔怪得我尋日同呀妹去食，相機食先嗰陣老闆同廚房嘅眼神咁憂鬱啦」。
FG於事發一日後發佈聲明
而事發後一日，FG也於Instagram發佈聲明，表示完全沒有所謂的要脅之心，只希望可以為一些想到處覓食的人提供參考，藉此而可以為一些新開張的店家打廣告。而FG也發表了對The Hideout Coffees的意見，稱扣了該店服務評分，是因為在查詢餐單時餐廳幾日後仍未回覆，絕不是因為沒給錢。同時亦承認，曾邀請店家贊助關於他們帖文的IG廣告，但考慮到以上方法可能會令店家反感或間接有被要脅的感覺，所以保證以後不會主動邀請店家贊助，並向所有受影響店家致歉。最後FG也表示希望外界停止言語騷擾侮辱及威脅，對於一些未經同意下濫用FG及相關人士之照片的情況，已保留證據並不排除報警處理。
但FG的聲明卻引發網民更猛烈的批評：「點解打咁多字都可以感受唔到任何歉意」、「本地中小企經營困難，貴平台為何還雪上加霜呢 #雪姨事件澳門版」、「電子乞衣」、「唔覆佢就惡意扣分都真係幾痴線」、「收廣告費其實好正常，呢個世界冇免費內容嘅，正常Channel日日花咁多時間做都要搵食，時間成本都唔止，但咁樣勒索人真係兜唔到」。而在網民強烈的罵聲下，FG疑似已刪除Instagram帳戶「深潛」了事。
