連登仔：一直想做中環精英
網民在討論區表示，自己一直希望在中環返工，近日終於成為一直夢寐以求的「中環金融財俊」。
網民表示，最初入職時感到十分自豪，首兩日亦十分興奮，覺得自己「行路都有陣風」：「踏岀車門個下真係好自豪，行路個陣仲特登挺胸收復，成個人神采飛揚，高人一等咁」。
不過，在中環返工不足三日後，發現其實每天也是困在辦公室營營役役：「去到第三日已經覺得無乜特別，同返觀塘差唔多，因為你全日都會困係office，岀面係點完全唔關你事。」
（圖片來源：政府新聞處）
咪又係幾皮野嘅打工仔
有同樣在中環工作的網民隨即和議，大家都是打工仔，不明白外人為何覺得在中環工作會更加高尚，又指，中環人人都西裝骨骨，在酷熱天氣下在擁擠的街道中穿梭，更加辛苦。
- 「唔明點解返中環有優越感，最好就wfh／5分鐘路程返到工就無敵。」
- 「望住班西裝友都出哂汗。」
（圖片來源：政府新聞處）
- 「我 casual wear，驚啲人以為我返M記。」
- 「全部人都著到恤衫西褲返緊工係地鐵動物大遷徙緊。」
（圖片來源：政府新聞處）
網民：中環喎，廁紙都靚啲！
不過亦有網民認為，中環作為香港核心商業區，在中環工作有氣勢、又有地位。更有網民分享，不少中環的寫字樓連廁紙的質素都比其他地區有所不同。
- 「中環成個環境真係好有氣勢，甲級商廈林立，條街都唔同過人，有外國風格。」
- 「我返中環個M記，都特別自豪，可惜經理唔俾我出樓面，要我係廚房夾包。」
- 「公司廁所keep住有人清潔，仲乾淨過屋企廁所，連啲廁紙都唔差。」
- 「冇咩特別優越感，但覺得好方便。約friend食飯紅藍地鐵線都方便。」
（圖片來源：政府新聞處）
網民：再差 都唔會衰得過觀塘！
但當提及到，在中環和觀塘工作都差不多時。大批網民驚訝表示，「點會同觀塘差唔多呀？」，強調中環再差，都不會比觀塘差。
- 「返過中環區再轉去工業區既話，就會好懷念中環既日子。」
- 「觀塘係無可能成為中環2.0，除非你拆晒啲工廈先。另外寧願忍屎都唔會用工廈個廁所。」
- 「Landmark系 / IFC 同觀塘冇得比喎，落樓就係地鐵站。沿路又闊落又有冷氣，上樓搭𨋢又唔使爭。」
