港男遊日食一蘭拉麵大鬧質素差劣 數5大伏位斥「狗也不吃」
該名港男於LIHKG討論區中以「警世：一蘭拉麵真係狗也不X」為題，分享自己早前到日本福岡旅遊，凌晨時分因肚餓而四出找宵夜，因以往聽聞過不少人大讚一蘭拉麵高質，加上福岡有一蘭拉麵總店，於是抱著很大期望到店初嚐一下味道。
誰知結果令他大失所望，他指「個湯勁X一丁香味精，食完灌咗4杯水都沖唔走陣味」、「肉同麵都好普通」、「話要半生蛋又畀全熟我」、「同味千拉麵完全無分別」，認為與坊間評價有很大落差，不明白為何這麼多人刻意到場打卡，猶如告訴大家「我去咗食便便」。
網民唔撐：980円一碗仲想點？
「一蘭點會似一丁，都傻傻地」、「 980円一碗仲想點，食佢隻面順滑都已經好正，係喺香港$128加一當然先狗也不X」、「你個口係咪有問題，出前一丁個湯同一蘭個湯麵分唔到個味？」、「我自己覺得日本一蘭叫正正常常，唔叫超好食，但一定唔伏」。
網民力推2大拉麵店：去日本一定係食佢
另一邊廂，有不少網民認同一蘭拉麵的味道與「好食」扯不上關係，但依然會有大量日本人排隊，主要是因為日本人對拉麵的要求與遊客不同，加上「一蘭係出名在佢開得夠夜，甚至乎開24㗎咋喎，同香港食m記差唔多」。網民指既然去福岡，拉麵一定要吃「一雙」和「屋台」，這兩間店才是最強拉麵店。