港女沉迷一夜情 男友無法接受分手但又復合
這名曾經沉迷一夜情的港女指自己22歲，與現在的男友認識一年半，拍拖9個月。樓主一直認為「如果真的愛一個人，就應該同佢坦白一切」，於是在他們拍拖約半年後，就向男友坦白自己在拍拖前「成日上網識人，同人玩一夜情，同個唔少的陌生男人發生關係」，但現在已經不會這樣做了。本以為愛能戰勝過去，但樓主男友卻表示「寧願唔好下下都咁坦白」，更指接受不了樓主胡亂與男人發生關係，所以決定分手。但幾個月後，樓主男友表示忘記不了她，所以希望可以復合，更表示會放低，不會再介意過去玩一夜情的樓主，於此二人重修舊好，誰不知卻是另一惡夢的開始。
復合後男友日日check電話＋要求直播行蹤
二人復合後，樓主男友開始經常要check樓主電話，查看她與其他人的訊息，更指「我哋每次一見面，佢都係check我部電話先」。有次樓主與一班女性朋友去staycation，樓主男友即審犯般問她「你嗰到有幾多個女仔friend？係咪一個男仔都冇先？你哋去邊間酒店？」等等。到了staycation當天，樓主男友又要求看看她和女生朋友的合照，兩個小時後更「癲到要我喺酒店到同我班friend 開直播畀佢睇」，最後樓主也順從，結果麻煩了朋友，讓她覺得很不好意思。
男友情緒崩潰：寧願妳無向我坦白
Staycation事件後，樓主向男友表示心裡只有他一人，但男友卻不信任她，「覺得佢監視／迫得我好辛苦」，更影響了她的朋友，希望他能停止這些行為，誰不知男友變得非常敏感，「反問我點解當初要咁坦白，佢寧願自己從來都唔知我以前的過去，佢唔想知我以前成日亂咁同其他人上床」，更指自己不停check她，是因為怕她寂寞，怕她又變回以前常玩一夜情的她。樓主聽後沒有反駁，因為不想和男友分手，但心裡就一直有一根刺。
男友後來也有讓步，表示會嘗試多信任樓主，更說幾年後希望可以和樓主結婚。但樓主就非常混亂，覺得男友這樣不信任自己，就算結婚大家還是會很痛苦，於是有想過索性分手，但又捨不得，所以希望大家能給她一些建議。
網民：無咗信任，再一齊都無意思啦
不少網民看到樓主的描述後，都表示明白樓主男友的行為，大部份人都認為二人不能走下去，有網民直接道出「分手，玩完承受翻個後果，好基本啊，搵個唔介意你過去嘅另一半」，「一早已經知道分手對雙方才是最好，只是不願意承認」、「你男朋友而家咁做，都係因為你以前種下嘅因，試吓唔好講到你自己無責任，佢好地地點會無啦啦無安全感，佢無安全感正正就係你嘅責任，你唔想承擔你個後果，就道歉認錯，放過人啦」、「每一個人都有自己的秘密，有時有d嘢另一半唔知好過知，要呃就呃一世」、「玩得一夜情嘅女人注定沒有幸福，諗住會有幸福嘅只係你太天真」、「好地地一個人就比你搞成咁，一段情就比你破壞，人哋又唔捨得，但又比你搞到失曬安全感疑神疑鬼，日日擔驚受怕，你仲好意思做受害者？」
不過亦有網民反指男生都有問題，指「過去咗啲嘢關你X事咩，男方之前無同過其他女仔咩咩？」、「覺得玩夠，好過未玩過啦」、「拍拖如果要追究未一齊前發生嘅事，呢個拖都真係寧願唔拍」、「一個貪玩嘅人肯為你收心養性，呢個已經係最大因由值得愛，個男仔都唔識諗」、「如果唔講，咁啱男仔有個朋友係舊相好，到時畀人爆又話講大話呃」。
資料來源：Dcard
