有一名網民在Facebook群組「英國香港人生活交流區」上發文指，讀完碩士課程後移民英國：「嚟到呢度要送外賣」。自信心受挫的事主更發現英文能力連七十幾歲的「圍頭佬」都不如。
不少網民為事主分析，在當地一定要多聽多講才會進步，只要能溝通就可以了：「知識同語言一向都係兩樣嘢，放鬆同放膽去學去講好快就會進步」、「講多啲好快追得返，佢地講嘢比較注重grammar. 用字簡單啲，最緊要啱就好」、「留耐啲，就會講到，唔洗擔心」、「圍頭佬浸咗十年 pick up 到，你可能十個月就得」。
更有網民指，香港書本上教的讀寫英文和在英國日常生活用的英文，兩者存在差異：「香港講嘅英文，唔係英式英文嘅日常用語。何況語言係會着時代改變。我個local 同學講笑講，我地講嗰啲係『old English』」。都有網民跟事主一樣，發現自己所學的英文根本在當地溝通不到：「現在才知英國人講本地英文見另一回事，我要從頭學起。」
對於樓主十分介意自己讀完碩士，但最後都做「外賣仔」一事，網民指他要放下自己身段：「讀完master 又如何？放下自己的過去，努力改善不足」、「送外賣都總算是有收入，但無乜機會練習英語。試試找份 warehouse工作，由基層做起，做熟環境，之後可以申請轉調其他工種」、「慢慢學習放低身段，唔好俾自己咁大壓力，一步一步適應新生活」。
不少網民指事主要知道送外賣根本不是一件失禮的事情，不少移英港人都做過，職業無分貴賤：「送外賣有咩問題？又唔係偷唔係搶，自力更生喎」、「抛低無謂嘅自尊心」、「大學生都做外賣仔，又如何。冇錢先比人笑」、「擁有master本地人都會做低技術工作，純粹際遇問題」、「你連自己份工都睇唔起邊個睇得起你？」
更有網民用自身經歷鼓勵事主，認為：「我都係讀到中五，但我而家都開咗個生意呀」、「我中五畢業啲英文都夠我係NHS醫院度做喎，仲要唔係做清潔工 」。有三個碩士學位的網民不停舉例，指英國不會有職業歧視，指自己兩個first hon畢業的同學，一個「出嚟做餐廳，依家做chef」；另一個更是dean’s list，最後轉行去通渠。
