移英港媽斥子女帶飯盒返學做午餐被嫌棄 網民：尊重啦！
香港自備飯盒上班或返學實屬最平常的事，不過各地文化不同，不少移英港媽每天努力為仔女準備愛心飯盒，卻換來超崩潰結局。兩地飲食文化大不同，港版愛心飯盒原來在當地人眼中超奇怪，有港媽分享指自己「煮親都錯」，究竟如何處理飯盒才不被當地人嫌棄？
港媽1號：帶飯有罪 肉餅、蒸雞、排骨全被嫌棄
英國的中、小學生都要在學校午膳，不少移英港媽為怕港童不習慣當地飯堂膳食都會準備愛心飯盒，不過兩地飲食文化差距大，飯堂更成第一戰線。有港媽報料指自己為就讀三年級的兒子準備蒸排骨飯，怎料熱飯香噴噴，卻遇著冷言冷語，當港童打開保温飯袋，同學即時掩鼻大叫「好臭」(too smelly)，甚至竊竊私語品評飯盒氣味「很討厭」(disgusting)。 冬菇蒸雞、魷魚蒸肉餅、蒜頭豆豉蒸排骨等憑濃香餸汁向來是白飯殺手，不少港媽甚至鑽研食譜務求做到色香味俱全。
不過英國人向來不慣「大味」食物，儘管他們面對巨量牛油蛋糕、大過斧頭的牛扒、炸魚薯條等高脂高糖高熱量食物毫無懼色，但卻真心害怕飄香飯菜，蒜頭、豆豉、冬菇、南乳等一大堆港人大愛的食物或調味料都是大忌。為避免飯盒再被嫌棄，港媽唯有改煮蒸蛋、炒飯或番茄意粉等菜式，以免餸香撓人，打開飯盒時說句：「不好意思，飯餸有點味」(“Sorry, it smells”) 也是當地人自覺所吃食物有刺鼻氣味時打圓場的常用對白。
不過網民看到後則指港媽大錯特錯，「仲有資格出嚟鬧人？」，並指「老實講，我細過果陣都覺得d飯壺好大陣味，一定唔係香味」、「大佬啊！帶豆豉蒸排骨一定大味啦」、「人哋國家文化會跟隨返囉，最多咪帶個三文治，移民會入鄉隨俗唔會搞到神憎鬼厭囉」、「真係唔識做人，好彩唔係帶咸魚臘腸，個小朋友唔洗旨意有朋友」。
港媽2號：午餐食唔飽 阿仔點長高？
飯餸飄香有罪，份量大都有問題？有移英港媽慨嘆外國學生普遍高頭大馬，而且終日紮紮跳，午餐食量竟比港童少得多，一個茄汁豆焗薯、半份雪凍三文治或幾件炸魚薯條便當一餐，量少無骨又易食，因此三扒兩撥便將碟中食物「清零」。相比之下，港童飯盒尤如巨無霸，加上啖啖肉耗時咀嚼，經常成為最後離開飯堂的一群，也因而被問起「為何食咁慢」。 港媽不禁問句：「英國人個胃係咪得香港人一半？」，擔心孩子有樣學樣，為食快啲而自動減量，長期食唔飽影響發育。
網民則指港媽「又將香港個套搬去外國，你不如返香港」，表示「外國嘅Lunch Time係預咗畀你輕食，個個外國人小朋友都係咁成長，你見唔見佢哋細粒？」、「你唔反省下自己整咁大份個小朋友食唔晒？係你造成個困局畀佢」。
港媽3號：薯片當正餐 午餐食垃圾
當香港連幼稚園學生都知道薯片是「垃圾食物」(junk food)，有港媽卻發現原來薯片在英國的地位等同粥粉麵飯！ 事緣就讀初中的兒子要求在學校運動日帶薯片作午餐，港媽細問下發現原來學校師生都愛在校外活動時以薯片當午餐，認為薯片是碳水化合物，配沙律菜、迷你壽司或果汁，方便百搭又能提供熱量，地位等同米飯！
Fishy Friday 港媽聽到非一般震撼！
其實英國學校每逢星期五都是Fishy Friday，飯堂提供炸魚、薯條，再加上大量番茄醬伴食，港童有食麥當勞和KFC的興奮，港媽卻有非一般的震撼，要與「熱氣劣食」共存，唯有煲多兩餐清熱湯水。 兩地飲食文化大不同，3個港媽分享的飯堂食飯情節看似誇張，卻是不少移英港童的親身經歷，準備移英的港媽最好做好準備。
不過網民指「自己習俗留番屋企圍爐，出到去要扮演好英國人角色」、「你唔鍾意cold sandwiches同fish and chips，其他人食覺得好正常，其實你都嫌棄緊當地人嘅食物喎，其他人嫌棄你啲食物就唔得？唔好咁喇，互相尊重Please」。
