移英港人到麥當勞做兼職 揭行內秘密：英文唔好都做到
讀書做兼職，不論在香港或是外國都非常常見，而最近有位00後到埗英國後選擇在麥當勞做兼職，指自己一星期上班4天，共29小時，時薪約港幣$91，扣除保險後約港幣$87，即一星期約有薪金約港幣$2,523。
其後有大批網民非常好奇究竟外國麥當勞與香港有沒有分別，事主指主要是餐點及出餐時間大不同，即使英文差也能做到「做出餐嗌得啱晒啲單number，聽得明個客要salt、ketchup抑或紙巾就掂。」
外國麥當勞秘聞一：等餐千祈唔好催
有網民問事主，「點解每次出餐最少都要10幾分鐘，明明見到入邊好多人但個個都掛住吹水，係咪無人理？」事主解釋，指「堂食、外賣、drive thru同delivery都係排同一條隊，有時遇着啲大單係前面就要等耐啲」。又指催單並不會令職員加快速度，因「外國人有時係會慢慢同同事傾完計先叫你拎餐」。
更指「自己有時放break都要等十幾分鐘先有嘢食，但個break得45分鐘，但無辦法」。
外國麥當勞秘聞二：最怕客人Order雪糕
事主指上Training時有特別訓練唧雪糕的技巧，正規應要「轉機」，但由於很多同事不會「轉機」，當照規矩做時反而會被客人質問「點解同平時唔同，我要返原本個種雪糕」。
另外，由於「砌包」出餐的時間較內，最快處理到的食物應是雪糕，「好多時整完杯雪糕等埋個餐，杯雪糕已經溶咗，客人又會投訴，投訴完又要整過一杯畀佢」。
外國麥當勞秘聞三：麥樂雞難食過香港？
有網民指，外國麥當雞永遠都是較香港「難食」，完全沒有味。事主指「因為英國禁用好多添加劑，好多嘢食包括啲醬都無香港咁好食，道理就好似你會覺得大陸嘢食好食過香港咁」。
另一樣分別則是港人愛吃的脆辣雞翼，原來在外國並沒有賣，目前似乎只有在香港、台灣、新加坡等亞洲地區有出現過。事主對此則表示或許外國的供應不足，所以才難以提供選擇。
最難頂的客人比香港更甚：香港速度仲比人話慢
不過令曾在外國麥當勞任兼職的港人表示，最怕遇到東歐、印度及華人的客人，指他們常催促員工「快啲快啲，明明已經係香港速度仲比人話慢，真係好難頂」。
