移英港人開港式奶茶手搖店 希望把香港味道發揚光大
守業難，創業亦難，要在異地重新建立自己的事業可算是「少啲膽色都唔得」。YouTuber 鬆仔近日到一所港人新開的超市參觀，除了正常貨架外，最特別的是內有一個Foodcourt，齊集雞蛋仔、奶茶、菠蘿包等港式食物，份外有「家的味道」。超市其中一個店家Eric開設了第一間手搖飲品店，他指希望把港式奶茶的味道發揚光大。這間店與傳統手搖的分別是茶底種類，茶底方面設有三種選擇，分別是港式、台式、泰式。除了泰式茶葉外，港式及台式的茶底都是Eric自己調製，味道更以往飲到的有明顯分別。
另外，英國作為一個「飲茶大國」，為了令外國人容易接受港式奶茶，Eric亦想到以台式飲品的模式讓大眾習慣，珍珠都是現場即叫即製。「其實由半年前開始先籌備呢間舖，當時都諗緊有咩方法令大家容易接受啲，始終珍珠奶茶大家都見得多啲。你見我今日第一日開張都有啲手忙腳亂，但都試吓做先。」
除了即製的手搖飲品，Eric也把港式樽仔奶茶帶到超市，當中以炭燒奶茶最為特別。「呢個炭燒奶茶係用咗我自己嘅秘方，口感最濃，味道有啲似鴛鴦」。鬆仔試飲後指，Eric的奶茶最大賣點是「唔太甜」，「香港人越嚟越驚飲甜嘢，唔甜佢哋反而鍾意」。Eric表示同意，指「嚟到發覺好得意嘅係，英國人一般都鍾意食甜嘢，我以為香港人嚟到都會係咁，點知飲得仲淡過香港。」
始終香港奶茶都是香港人最識欣賞，但在英國開店又很難只招待港人，因而Eric和鬆仔帶著港式奶茶「膽粗粗」給當地人嘗試，當中有人表示自己從未喝過凍的奶茶，感覺非常新鮮，亦有外國人指特別喜歡奶茶「夠creamy」，味道很特別，不會抗拒，相信自己也會愛上這種味道。
