移英港人體驗英國、香港8大不同：住耐啲先知呢個地方嘅好
現時有不少移英港人拍片到網上分享當地生活，最近YouTube Channel「影像補完計畫Hong Kong Walker」一條以「住左英國4個月有感而發」為題，指起初到英國生活感到非常興奮，對事事皆充滿好奇心，但住久了就發現英國並非完全自由，以下8點為他「最深感受」。
1.英國沒有購物自由
他指，對於基層而言英國是沒有購物自由的，因當地沒有「派錢」福利，最多只有車票減價，補貼極少，加上物價非常昂貴，令他這種「基層」失去購物慾，購物自由無形中已失去；相反，香港派發$5,000令人人可以隨心購物，在購物慾上自由更大。
網民：「住屋、醫療、教育、工時呢啲又唔講？」、「無錢無得買嘢唔係正常？係咪要人哋FREE埋畀你先叫好？要搵著數去第二度唔好影衰香港人」。
2.選擇餐廳的自由
英國餐廳的費用一向較高，對於「基層」而言他們的選擇更少，如英國5鎊（即約港幣$50）只可買到一個有薯條、可樂、漢堡包的快餐；換言之想吃一餐較好的時候，英國沒有選擇餐廳的自由，只能到超級市場買餸回家煮。相反，香港基層的選擇餐廳自由「好好多」，他指「幾廿蚊都食到個雲吞麵，牛腩河，譚仔橫掃都係幾廿蚊，呢方面真係好自由。」
網民：「又一個用喺香港住嗰套搬去外國住，要咁諗其實真係唔太適合移民」、「$49喺香港多選擇係咪指有得揀兩餸飯或麥記？」、「英國有嘅野香港都有，5鎊一個餐但係人工最少都有9鎊幾，即係半個鐘就有一餐；香港最低工資，食飽少少都難，英國做倉好多返4放4，錢又實夠住夠食，仲多咗時間休息，香港一星期5日先有返咁上下人工」。
3.拍攝自由
他指，在英國拍攝相當有難度，商場不讓人拍攝，限制人生自由；相反，香港隨處可拍亦沒人阻攔。
網民：「香港你估真係周圍都拍得啊？你無遇過畀人阻攔咪好彩」、「香港商場可以隨便拍？你無申請實會畀人攔，用電話拍就無人理，你試下拎部機入去拍嘢，仲衰過英國啊」。
4.時間分配自由
英國地方廣闊，從A點到B點車程最少也要半小時以上，駕車佔據了生活大部份時間。他續指，若做事希望有效率的話，香港的時間分配自由較英國好得多。
網民：「英國地方大要揸車唔係第一日知呀嘛，唔想揸車嘅咪唔好出街」、「香港返工由荃灣去將軍澳都一個鐘啦，同英國有咩分別」、「時間點分配係人嘅問題，唔係地方問題」。
5.交通問題
英國公共交通工具大部份都是私有化營運，車費昂貴，無可奈何地要自己駕車。
網民：「香港巴士唔係都係私人公司咩？有車揸點解要逼巴士」、「如果你住大西北返工去港島，英國巴士平過香港，因為搭車有cap，唔會好似香港咁每程都收錢」。
6.文化問題
他指，到埗3個月後感到曼城地方非常污糟，而且當地人說話大聲，即使做奇怪行為亦無異。到曼城生活要適應環境污糟及嘈雜的問題，而且曼城人性格狂野，需時適應。
網民反擊：「英國會有幾嘈，嘈得過住旺角劏房？打開窗就對住行人天橋，樓下又巴士站又迫滿人」、「大聲講普通話仲嘈啦」、「英國好嘈，屋企太大有回音，你話嘈唔嘈」。
7.聘請工人自由
因英國請工人幫忙照顧小朋友及家庭的費用不菲，對於基層而言在這方面也沒有選擇自由。
網民反擊：「香港請工人首先你間屋房要夠大，唔係工人都唔理你」。
8.英國稅收較貴
英國是福利國家，市民要交的稅項亦較高，約為薪金2成半。
網民反擊：「要交2成半係過左某個數，咁享用benefits嘅時候你又唔計，例如小朋友讀書真係唔需要錢，小朋友又有dental benefits」。
不過其實片段中他亦有指，英國雖然有8大生活問題與當初預計的有所出入，但不論參與公眾活動自由、發表言論、結識朋友、超級市場物價等方面都比香港更勝一籌，自己到埗3個月時確有「想走」的衝動，但到第4個月開始重新認識曼城這地方，發現自己也漸漸「愛上這地」，懂得欣賞當地生活的樂趣，所以他也是會繼續留英生活，作多點體驗。
