撰文：CY｜圖片來源：Unsplash、LIHKG
香港再現移民風潮！網民驚覺：會唔會得我一個留喺香港？
網民在網上討論區LIHKG上以「發現身邊好多朋友計劃緊移民，其實真係好唔開心」為題分享經歷，表示自己雖然並非香港出生，大約中學年期才從內地移居到港，不過卻對香港相當有感情。
畢業後我做到自己理想嘅工作，人工唔高，但好有意義，香港真係我嘅家，呢度有我最知心嘅朋友，最敬重嘅老師，最欣賞嘅同事，最想成為佢嘅前輩；仲有中學上體育堂要跑嘅城門河，唔開心時會搭嘅渡海小輪，仲未去得曬嘅郊野，雖然每次露營見到啲垃圾就好X躁，但我真係好鍾意香港。
不過隨著移民風潮，不少香港出生的朋友都選擇移居海外，離開香港。網民理解「（香港）近來狀態真係好差」、「每朝起身見到啲新聞真係好辛苦」，然而面對內心，卻指自己不想離開香港。他用一句反問：「點解要我離開自己屋企？」
移民風潮越吹越盛，網民內心卻更加慌。他自問：「其實會唔會得我一個咁XX留低？」。他曾想過向身邊友人傾訴，但他理解朋友們選擇離鄉別井是個困難的決定，不希望因為自己的說話為身邊朋友帶來壓力。
理解卻不等於能夠欣然接受身邊友人逐個離開。網民在網上分享心路歷程，與網民齊齊討論。有網民相當認同，話自己「早排有個中學玩到大學grad既好朋友話移民，喊左成晚」。
不過亦都有網民認為「趁後生先要去闖下、留喺香港真係睇唔到有咩前景」、「當見識下又好、學野又好，機會依啲嘢，可遇不可求」、「最初一兩年適應可能好痛苦，之後穩定落嚟可能覺得幾正」。
原文截圖
資料來源：LIHKG
