移英港人分析移英4大難度級別
日前有已移民英國的網民於連登討論區發文分享移英的使費及生活水準，他指出只要不居住於生活成本特別高的倫敦，其實英國生活成本其實不算太高。他仔細地列出開支，以2個年約40歲的成年人一年正常的開支計算，每月租金大概英鎊700元、水電英鎊120元、上網雜費英鎊60元，偶然外出用餐約英鎊200元、採購食物約英鎊300元，再加上稅項等雜費約英鎊1,600元，一年開支約英鎊20,000元，即每位成人生活開支約需港幣90,000元：「呢個計法絕對唔係省錢寶寶，所以大家可以再減啲自行調節難度，其實都一定無問題。」
計算好1位成人的基本生活開支後，他也以不同移英預算分析出適應當地生活的4個難度等級：Easy、Normal、Hard及Hell。他亦多次強調英國生活並毫無壓力，誠心建議準備移英的港人要量力而為，不要過於大安旨意。
Easy Mode：200萬港紙（每人港幣100萬元）
以一對40歲、賣了一層供到一半的物業移民英國的夫婦，估計最少亦有港幣200萬元積蓄，這種人到英國生活可以算是「Easy Mode」。在英國用120萬買樓住，仍有80萬可以作為往後8年的日常使費。2個人每年淨消費可以達10萬，而且有足足8年可以慢慢搵工 ，獲得英籍後都未用完200萬預算。
如果你係賣咗層供完嘅私樓，600-800萬港紙拎過去，其實你會係Easy Mode既Baby Mode，你嘅生活水平比起香港係唔會點跌，反而會大大提升，你講緊嘅係半退休狀態。
Normal Mode：60萬港紙（每人港幣30萬元）
如果平均每人可帶30萬到英國就是「Normal Mode」，可以有足足3年去適應英國生活及搵工。只要成功找到一份hea part tim就可以保證過到BNO 5+1並且入英籍，3年內搵到full time工作就已經十分安全。Normal Mode下生活水平並不會有大改變，與香港相近，「只要你係正正常常講到英文肯學肯成為英國人就一定生存（活）到」。
Hard Mode：20萬港紙（每人港幣10萬元）
若果每人只能帶10萬到英國便屬於Hard Mode，他坦言Hard Mode下會有較大的生活壓力，因為生命線只有1年，需要開源節流，例如住share house及消費降級。同時因為彈藥不多，可能需要將就一下有工就要做。他表示Hard Mode不致於在英國無法生存，但頭幾年未必可以享受生活，亦需要有心理準備生活水準會比在香港生活時差。
Hell Mode：每人少於10萬港紙
如果連10萬都無的Hell Mode，他直指除非在香港有直接的人身安全問題，並不建議移民英國。不妨在香港這個熟悉環境一段時間，再儲多幾個錢再去英國這個陌生地方重新開始。
雖然都唔係話一定成功唔到，但你面對既難度會比其他人高好多倍。
唔好俾部分移民KOL誤導，有個錢旁身真係個難度係完全唔同。
當然你想挑戰難度我都阻唔到你，但真係唔易玩，好易Game Over。
網民：最重要係心態！
帖文引起大批網民熱議，雖然不少人認為他的計算方式只著重夫妻及情侶，沒有考慮部分人是家庭總動員移民英國。但因為仍有參考價值，亦成功引起一眾網民共鳴：
【生活費無想像中貴】「好多人誤以為生活費好貴，其實有儲開首期、計劃買樓嘅人，就知道係香港做鴨都追唔到香港同英國買樓個差價。但怕貴嘅人，一係無儲錢，一係收支本來已唔穩陣，其實心態問題。 」
【有手有腳唔驚無飯開】「除非你七老八十手腳唔掂，如果唔係有手有腳過去做倉都已經得啦！而且做一陣又唔係叫你做一世，之後你可以去做sales，順便當學英文」
【曼城買樓更平】「曼城要求唔高其實100萬都有交易，當然120萬既樓地理位置會好啲，當然越貴越好啦（廢話）。睇餸食飯，你有200萬就買120萬上下，已經有同香港居屋以上嘅居住級別你有1,000萬就買300萬可以住得很好。」
但亦有網民指出只要肯做，就算是Hell Mode都可以生存到：
反而覺得睇能力多啲
正正常常有文職經驗/藍領技術
英文溝通到
唔會冇份正常工做差啲嘅搵份公廁工會辛苦啲
但都未至於hell mode
慳啲駛肯定唔會燒本
（所以本真係影響唔大，最多叫心理上穩陣啲）
最多叫做野辛苦過香港
少啲機會出街玩/食
最多都係hard mode而且邊做邊習慣等英文夠好囉
搵返正常工自然就入返普通mode
