移英港媽教人寫負評 搏refund搲免費牛奶
日前一名網民於Facebook群組「英國香港人生活交流區」帶圖發文，大爆一名移英港媽如同乞衣般的濫用資源行為，引起大批網民熱議及轉發。該名移英港媽自稱為「太后媽」，她於Facebook設立了專頁「薩頓科爾飛移悳太后」，志在分享移英生活及優惠。
太后媽於昨日（1月30日）到當地一間超級市場購物後發文分享，超市內價值1.99鎊（約港幣19.3元）的家庭裝牛奶非常抵買，因為該產品標示著「If you don’t love it, tell us why and we’ll give you your money back.（如果你不喜歡這款產品，請告訴我們原因，我們會為你進行退款。）」，她指這種產品為「Free嘢」，並公開教授退款方法：
寫返15字唔好飲原因就可以claim錢喇😅😅
所有純奶太后媽都唔飲🤣🤣
被揭發為慣犯 並非首次搲免費
她在專頁內的發文被截圖並放到移英群組，該網民更配文指：
如果啲嘢食嘢飲試完真心覺得唔好食 你去refund 咁係理所當然丫
但如果打正旗號當佢（免費）嘢咁搲埋呢啲着數再周圍廣傳…咁就…🤨一定會有人話：佢咁寫得就預咗人哋會refund嫁啦 / 佢做生意就預咗xxx… /  啲外國人過完聖誕節咪又係咁refund啲聖誕樹……
同時該網民也發現太后媽並非第一次搲免費產品。根據太后媽1月20日的帖文，她在超市找到一個價值1.49鎊（約港幣14.5元）的急凍炸魚手指，是可以用同一方式進行退款，而且後來她發文指收到確認Email並成功退款。
網民齊聲炮轟：搞臭香港人個朵
帖文亦隨即引發大批網民熱議，不少網民都指她的行為相當「乞衣」同時「搞臭香港人個朵」：
【不務正業專職搲免費嘢】「呢個女人好似係全職搲著數寫review維生」
【有手有腳喺到呃飲呃食】「咁做真係好X街，食完堅揪難食係另一回事，明明好食為refund呃人，真．呃飲呃食」
【日日呻窮但掃一大箱日本貨】「原來本身係個人格都係有啲問題，話自己窮周圍搵優惠，（嗱優惠同走精面搵著數係兩回事嚟嘅）但係就大箱日本嘢買嚟呢度喎。佢話自己咁窮困喎，但又咁有錢貨運日本嘢嚟⋯⋯」
死雞撐飯蓋：人哋寫明係「Free」！
帖文被廣傳後，亦有不少人到太后媽的Facebook專頁下留言及私訊指她的行為極cheap且濫用退款政策，行為猶如大種乞衣。而她也在留言下方死雞撐飯蓋回應一眾網民：「唔使你救（原文誤植，實為「教」）我啊！佢個產品本身就有個Free字啦！」不過就被人再次cap圖恥笑：「佢話個產品有個free字喎😂 明明個free字係指lactose free（不含乳糖）😂 我真係笑到有腹肌呀X街！」
現時太后媽已將涉事帖文下對自己不利的留言全數刪除，並暫已限制他人可回應專頁帖文。但被一眾網民攻擊的她繼續發文大鬧港人，同時指留言是在「玩針對」：「香港人真係好無聊，仲有把口真係好無陰得（德）」，仍不覺得自己的行為有任何問題。
