加拿大茶餐廳「貴到飛起」 凍飲加$12嚇驚港人
移民海外，生活模式及習慣均需時間去適應，掛念家鄉時不少人都會寄情於「食」，從味道中找回熟悉的感覺。最近有位移民加拿大的港人在當地光顧港式茶餐廳時，發現餐牌上的選擇與香港無異，但價錢則相當大出入！以普通一個常餐為例，一碗火腿通粉配牛油餐包及火腿奄列盛惠港幣約$70，若點沙嗲牛肉通粉則需另加港幣$7；若果跟餐飲品要轉為凍飲需另加港幣$12。換言之，一個常餐有機會需港幣$89結帳，加上事主指當地「畀tips」的文化幾乎「餐餐出去食都要畀」，結帳時超過$100。
網民其後表示「自己煮平過出去食好多」，表示加拿大物價非常高，同樣價錢「自己整All Day Breakfast都整到幾餐」、「自己煮食到你唔食啊」、「加粒冰都要加$12」、「餐廳都係呃有錢華僑錢」、「都唔明點解呢啲無技巧常餐越嚟越貴」。
網民：條數唔係咁計
不過當有人討論加拿大物價越來越貴的同時，亦有網民出來糾正大家的「思維」，指這個價錢其實相當公道。網民指「大家唔好將香港個套同食開嘅價錢直接套用喺加拿大」，大家物價及最低工資不一，不能直接比較。網民指，「加拿大最低工資15元喎，喺度食個早餐係最低工資價位，喺香港咪又係差唔多$30左右，同最低工資差唔多」、「歐美國家最低工資咁高，出街食飯嘅洗費自然高過香港」、「加拿大唔會好似香港咁啲人會排隊等位食餐飯，如果用香港價錢喺當地做生意，唔知要賣幾多碟飯先夠錢出糧畀員工」、「人地貴唔係貴在物價，係因為當地稅收。政府收幾多稅就因畀返幾多福利你，唔好淨係諗住自己去享福利而無付出」。
加拿大最低工資遠超香港
根據加拿大各省份於2022年4月的最低工資調查，平均由加幣11.81元-加幣16元不等，即時薪約港幣$71-$96；而香港的最低工資為時薪$37.5。以網民的說法，若以此作計算茶餐廳價格昂貴與否，情況似乎不大出入。不過要留意的是，網民強調在當地出外進餐記得要「畀tips」，並指「上兩個禮拜去食，撞啱有個客唔畀貼士，畀個老闆追出去鬧。」
