移民加拿大｜美甲師考慮用Stream A移民加拿大
日前有任職美甲師的網民於Facebook群組「香港人DIY移民加拿大」發文表示，她打算經加拿大政府於2021年推出的救生艇計劃中Stream A（留學移民）方式移民加拿大。但她坦言一想到要放棄擁有穩定收入的自營美甲鋪，還要用大量金錢讀書，就感到沒有安全感，同時也十分擔心移民加拿大後沒有辦法擁有與現在同等的薪金。
但因為加拿大救生艇計劃Stream A的有效日期只到2026年8月31日，擔心錯過這次機會會後悔，在這個人生交叉點上十分迷惘，希望網民可以分享一下移民加拿大的理由與意見。
移民加拿大｜網民炮轟：為移民而移民
帖文引來大批網民熱議，但比起移民加拿大的建議，有更多人是炮轟她眼裡只有錢，只是「為移民而移民」：「應該話駛咁多錢去讀書，讀完之後未必搵得返香港條數，移乜鬼民吖？」、「如果咁介意去比較搵唔搵得返人工，不如唔好走」、「梗係留返喺香港搵錢啦，既然你有咁好咁可觀嘅收入，又穩定，去第二度一定搵唔返啦」。
亦有網民笑言近年疫情嚴重，從事美甲業的她何來的穩定收入：「我都想知香港疫情下美甲點穩定？」、「穩定？穩定地停業？」、「美甲呢行係香港都停左好耐，邊得嚟穩定？加上呢行啲人愈做愈爛，愈做愈多人頂爛市」、「你鋪頭有幾穩定呢？連讀兩年書都唔敢，讀書個筆又叫『大量金錢』，即係你香港間『鋪頭穩定的收入』咁多年三、四十萬都掹掹緊 ? 咁有幾穩定呢？」
移民加拿大｜網民：走難先會上救生艇
亦有網民語重心長地為她解釋加拿大救生艇計劃的本質：「呢個問題令我諗起『鐵達尼號』。其實『救生艇』呢個名已經好清楚，係放棄一隻將要沉嘅船先會坐，緊急時，走難時先會上。當然，上咗救生艇唔係百份百得救，有各種既風險，斷水、斷糧、俾風浪打沉。只能講，揀上艇，一定有各種風險」。
移民加拿大｜加拿大美甲業前景
當然最後也有熱心網民為她解答移民加拿大後再次從事美甲行業的前景：「我整指甲位stylist一到埗已經有part time做，之後仲畢業轉埋full time，即刻經曼省提名技術移民（MPNP）成為加拿大永久居民，依家home studio在家做生意，日日 full booking，你嘅手藝係一門專業，唔使擔心。」
