失婚中學老師移英開地產代理公司
Roby在港原為一名中學經濟科老師，收入穩定。但令他決心離港移民英國，以破釜沉舟的心態著手由零開始的原因正是因為他在2020年經歷婚變。與前妻離婚後，為免觸景傷情的他，便選擇到英國曼徹斯特過新生活。
有樓有公司亦難覓第二春：白人思想仍然保守
開設地產代理公司的Roby，在當地擁有物業並且身為老闆有不錯的收入，不過在不少人眼中都是「筍盤」的他卻在節目中坦言在英國要尋找第二春卻是十分有難度。他坦言當地人思想仍然保守，白人並不能輕易接受亞洲人為伴侶：「特別係呢邊白人女性，你自己都睇到的確係好少白人女性嫁畀一個亞洲男士。」
他與朋友搞笑地自嘲自己為「愛情食物鏈底層」，並指出種族歧視根深柢固：「老實講，面嗰浸佢會成日講平等呀、唔好有種族歧視呀，但係去到一啲好切身嘅問題，譬如講婚姻，就算你個伴侶接受到，可能佢嘅屋企人，或者親戚又唔係咁接受喎，我哋好似喺呢個擇偶嘅市場喺食物鏈嘅底層咁樣。」
獨自一人異鄉生活 無法盡孝感內疚
雖然Roby選擇移民英國開展新生活，在當地亦擁有了自己的事業，不過他孤獨一人在異鄉生活，家人朋友都遠在香港，不時回到家都會感到孤獨寂寞，「特別冬天好快天黑，自己喺屋企，有時都會問自己『我喺呢邊咁辛苦其實為啲咩呢？』」。同時他也會因為無法陪伴在家人身邊盡孝而感到內疚，「有時可以打電話畀佢哋，了解近況，互相溝通，但始終真係住得太遠喇，變咗多一重困難囉，陪屋企人時間少咗都真係一個遺憾。」
《離鄉別井的故事》原片
