撰文：Yuen｜資料授權：遊走格拉斯哥。bno。港女
LOTR的驚嚇經歷-親身港人分享
早前事主於facebook個人專頁「遊走格拉斯哥。bno。港女」分享了她的過關驚嚇經歷，她指見到好多人話 LOTR 好易，易過食生菜，但她卻有非一般的驚嚇經歷。
延伸閱讀：【移民英國BNO】LOTR條款更新：97後子女的配偶、子女都可申請！
當她去到入境（border）位置，當時率先排在「others」隊，前面也有多個香港家庭在排隊，所以進展非常緩慢。大約排了一個小時後，突然一個關員（officer）叫事主排去UK隊，而關員態度並不友善，問她：「究竟為甚麼要攞LOTR呢？」回答了3次之後，便叫她站在一旁等候。不過同行的一家4口，則要求他們出示所有證明文件，但由於他們不見了登機證（boarding pass）要再等一陣。而關員卻冇要求事主出示任何文件。
英國關員態度不客氣「我唔係做呢啲嘢」
5分鐘過去，又有另一個關員叫事主排回「others」隊，終於可以埋到窗口。當值的關員望都冇望事主一下，態度依然不客氣說：「我好忙！你見唔到我做緊嘢咩？行返去後邊等啦！」事主無奈下返回原位。然後當另一個關員準備好就行過去，但關員對她說：「我唔係做呢啲嘢嘅！你返原位再排過另一個 officer 啦！」來來回回了幾遍。
申請LOTR要過五關斬六將
終於有個關員可以幫事主，睇完她準備的文件就問：「你的目的地是 Glasgow，不是這條隊，但我可以幫你做LOTR的。」當以為可以鬆一口氣時，一個較高級的職員叫他不要做，指示事主去另一個地方「transfer flight」。事主經歷了上半部分已嚇到驚呆，好彩一個女關員見她呆了，主動走上前問有甚麼可幫忙，亦教她怎樣行去目標關口。
LOTR事件高潮
當她走到了正確的關口，突然聽到有個高級關員好大聲對住一對母子講：「你知唔知 LOTR 唔係用 『apply』呢個 term？呢個係你要到埗咗去home office，由我哋去定義你係唔係值得畀 LOTR，呢個只係一個印！你唔好再講可唔可以 apply！我當堂呆左！」續說：「我知咩係BNO！你哋一日來千幾個，個個問我攞LOTR，個個都要批畀佢呀？」當時那名關員情緒非常激動，而事主都好激動，因為下個便輪到她了。
幸好，事主被安排在大聲公關員旁邊，負責關員很快看完文件就OK冇問題了，只要按他要求的排序，逐張文件讓他核對和回答簡單問題，就已經給事主蓋了印。
LOTR的驚嚇經歷-後感
事主分享完經歷後，得出了少少後感。她認為之前申請LOTR容易，是因為當時未有太多香港人去英國申請（Obtain）LOTR。但因為現在局勢問題，走的人直線上升，變相加重了關員的工作量。其二是英國關員唔鍾意LOTR的香港人，原因可以「很個人」，即是冇解。所以惟有打醒十二分精神，做充足準備。
